नवलपरासी — पानी परेपछि सडक हिलाम्मे हुँदा पूर्व(पश्चिम राजमार्गअन्तर्गत दाउन्ने खण्डमा १३ घण्टादेखि यातायात अवरुद्ध भएको छ । स्थानीय बासिन्दा सुनिल खनालका अनुसार बिहीबार साँझ ५ बजेदेखि दाउन्नेमा यतायात अवरुद्ध छ ।पूर्व(पश्चिम हिँडेका सयौँ यात्रु दाउन्नेमा अलपत्र परेका छन् । दुम्कीबासदेखि करिब ४ किलोमिटर पश्चिममा पर्ने विश्वकर्मा मन्दिरनजिक सडक हिलाम्मे भएकाले गाडीको जाम दुम्कीबास र जंगलसम्म आइपुगेको छ ।
विश्वकर्मा मन्दिरदेखि ५० मिटरपूर्व तर्फमा नाला निर्माण नगर्दा बर्खामा पानी सडकबाटै बग्ने गरेको छ । उकालोमा ठूला गाडी फस्ने गरेका कारण राजमार्ग अवरुद्ध भइरहेको इलाका प्रहरी कार्यालय दुम्कीबासले जानकारी दिएको छ
प्रकाशित : २०८२ आश्विन ३, शुक्रबार १२:४१
