पूर्णचन्द्र परियार, बाणगंगा ।
कपिलवस्तुको बाणगंगा नगरपालिका–२ राजपुरस्थित दर्पण युवा क्लबको आयोजनामा सम्पन्न तेस्रो “डि.वाई.सी. कप” खुला नकआउट फुटबल प्रतियोगिताको आम्दानी–खर्च विवरण सार्वजनिक गरिएको छ।
आइतबार आयोजित आम्दानी–खर्च सार्वजनिक कार्यक्रममा प्रतियोगिताका लागि विभिन्न संघसंस्था, निकाय तथा सहयोगदाताबाट प्राप्त सहयोगबारे जानकारी गराइएको थियो। सार्वजनिक विवरणअनुसार नगदतर्फ रु. ३ लाख ५५ हजार ६ सय ८३ तथा चेकमार्फत रु. १ लाख ६० हजार प्राप्त भएको थियो। यसरी प्रतियोगिताको कुल आम्दानी रु. ५ लाख १५ हजार ६ सय ८३ पुगेको क्लबले जनाएको छ।
त्यसैगरी प्रतियोगिता सञ्चालन तथा व्यवस्थापनमा रु. ३ लाख ४८ हजार २ सय ७० खर्च भएको र रु. १ लाख ६७ हजार ४ सय १३ बचत रहेको क्लबका अध्यक्ष हरी घिमिरेले जानकारी दिए। कार्यक्रममा प्रतियोगिता सफलतापूर्वक सम्पन्न गर्न सहयोग पुर्याउने क्लबका पदाधिकारी, सदस्य, प्रायोजक, सह–प्रायोजक, सहयोगदाता तथा सम्पूर्ण शुभेच्छुकहरूप्रति धन्यवाद ज्ञापन गरिएको थियो।
क्लबका अध्यक्ष हरी घिमिरेको अध्यक्षतामा सम्पन्न बैठकको सञ्चालन सचिव सन्तोष घिमिरेले गरेका थिए।
