लुदस,तौलिहवा । “स्वस्थ जीवन, स्वच्छ विचार, लागू औषध गरौं बहिष्कार” भन्ने मूल नाराका साथ आज अन्तर्राष्ट्रिय लागू औषध दुर्व्यसन तथा ओसारपसार विरुद्ध दिवसको अवसरमा कपिलवस्तुमा सचेतनामूलक प्रभातफेरी कार्यक्रम सम्पन्न भएको छ।
युनिक एग्रो सेन्टर एण्ड रुपक भेट फर्माको आयोजनामा तथा जिल्ला प्रशासन कार्यालय,कपिलवस्तु, सशस्त्र प्रहरी बल नेपाल नं. २८ गण, कपिलवस्तु र जिल्ला प्रहरी कार्यालय,कपिलवस्तु र तौलेश्वरनाथ सामाजिक विकास संस्था,कपिलवस्तुको सह-आयोजनामा कार्यक्रम सम्पन्न भएको हो ।
कार्यक्रममा सागर टोल आमा समूह, भिक्षुचोक युवा क्लव,पत्रकारहरू तथा विभिन्न क्षेत्रका सरोकारवालाको उल्लेखनीय सहभागिता रहेको थियो। सहभागीहरूले लागू औषध दुर्व्यसन तथा ओसारपसार नियन्त्रणका लागि सामूहिक सचेतना, सामाजिक ऐक्यबद्धता र सबै पक्षको सक्रिय भूमिका आवश्यक रहेकोमा जोड दिएका थिए ।
आयोजकले कार्यक्रमलाई भव्य र सभ्य रूपमा सम्पन्न बनाउन सहयोग तथा सहभागिता जनाउने सम्पूर्ण महानुभाव, सहयोगी संस्था, सुरक्षाकर्मी, पत्रकार तथा सहभागी सबैप्रति हार्दिक आभार तथा धन्यवाद व्यक्त गरेको छ।
