लुदस,बैरिया। कपिलवस्तुको बाणगङ्गा नगरपालिका–बैरियामा दुई वर्षअघि स्थापना भएको क्याफे डि बरबन स्थानीय तथा बाहिरबाट आउने ग्राहकहरूको रोजाइको गन्तव्यका रूपमा स्थापित हुँदै गएको छ। करिब २५ लाख रुपैयाँको लगानीमा सञ्चालनमा आएको यो क्याफेले स्वादिष्ट परिकार, गुणस्तरीय सेवा र पारिवारिक वातावरणका कारण छोटो समयमै लोकप्रियता हासिल गरेको हो।
क्याफेमा बिहानको खाजा–नास्तादेखि विभिन्न प्रकारका कफी, चिकेनका परिकार, पिज्जा, बर्गर लगायतका फास्टफुड आइटमहरू उपलब्ध छन्। गुणस्तरीय स्वाद र सफा वातावरणका कारण दैनिक रूपमा ग्राहकको आकर्षण बढ्दै गएको सञ्चालकको भनाइ छ।
क्याफेकी सञ्चालिका कोपिला सापकोटाका अनुसार ग्राहकको सुविधालाई प्राथमिकता दिँदै एसीसहितको आरामदायी हल, होम डेलिभरी सेवा, बर्थडे पार्टी तथा विभिन्न साना कार्यक्रम आयोजना गर्ने व्यवस्था समेत गरिएको छ। परिवार, साथीभाइ तथा विभिन्न भेटघाटका लागि क्याफे उपयुक्त गन्तव्य बन्दै गएको उनले बताइन्।
उनले भनिन्, “हामीले ग्राहकलाई स्वादिष्ट परिकारसँगै उत्कृष्ट सेवा र सहज वातावरण दिने प्रयास गरेका छौं। यही कारण छोटो समयमै ग्राहकहरूको विश्वास र माया पाउन सफल भएका छौं। आगामी दिनमा पनि सेवा अझ प्रभावकारी बनाउँदै लैजाने योजना छ।”
स्वच्छता, गुणस्तरीय सेवा र आधुनिक सुविधालाई प्राथमिकतामा राखेर सञ्चालन भइरहेको क्याफे डि बरबन अहिले बैरिया क्षेत्रका युवा देखि परिवारसम्मको रोजाइमा पर्न थालेको छ। स्वाद र सेवाको उत्कृष्ट संयोजनका कारण क्याफेले व्यवसायमा छुट्टै पहिचान बनाउन सफल भएको देखिन्छ।
