पार्बती आचार्य कपिलबस्तु, चैत्र ८
कपिलवस्तु पर्यटन विकास समितिको कार्यालय उद्घाटन गरिएको छ । कपिलवस्तु नगरपालिका वडा नं. ६ तिलौरीमा प्रदेश सांसद विष्णु पन्थीले कार्यालय उद्घाटन गरेका हुन् । उद्घाटन गर्दै प्रमुख अतिथि समेत रहेका पन्थीले कपिलवस्तु जिल्ला धार्मिक, ऐतिहासिक, पर्यटकीय स्थलहरुको प्रवद्र्धनका लागि प्रदेश सरकार तयार रहेको बताए ।
उनले घुम्न आएका आन्तरिक तथा वाह्य पर्यटकहरुलाई यहाँका पर्यटकीय स्थलहरुको अवलोकन गराई आम्दानी गर्नुपर्ने आवश्यकता रहेको बताए । सांसद पन्थीले यो जिल्लाका पर्यटकीय स्थलहरुको विकासका लागि स्थानिय, प्रदेश तथा संघिय सरकार मिलेर अगाडि बढे कपिलबस्तुको भबिष्य साकार हुने बताए । उनले कपिलवस्तु भगवान गौतम बुद्धको क्रिडा स्थल रहेकाले बुद्धको सिद्धान्तहरुको पनि पालना गर्नुपर्ने बताए ।
कपिलवस्तु नगरपालिकाका सामाजिक विकास अधिकृत पदम राज श्रेष्ठले कार्यालयको उद्घाटन संगै पर्यटन विकासको क्षेत्रमा पर्यटकको महत्व दर्शाउनमा टेवा पु¥यायोस भन्दै सफलताको शुभकामना दिएका थिए । कार्यक्रममा डा. गंगाराम यादवले कोरोनाभाईरसका लक्ष्ण तथा बच्ने उपायहरुको बारेमा सचेतना दिएका थिए ।
वरिष्ठ साहित्यकार हरिराज शर्माले बौद्धकला संस्कृतिको प्रचार प्रसारका गर्नका लागि आग्रह गरे ।
त्यस्तै संस्थाका संरक्षक गिता अन्जानले कार्यक्रमको उद्देश्यमाथि प्रकाश पार्दै पर्यटकलाई घुमाउनका लागि विभिन्न घोडारथको व्यबस्थापन गर्नुपर्ने भन्दै जंगलमा अवलोकन गराउनका लागि हात्ति रथको व्यबस्था गर्नुपर्ने बताईन् । उनले यसको विकासका लागि स्थानिय सरकार सक्रिय हुनुपर्ने बताईन् ।
लुम्बिनी बिकास कोषले कपिलबस्तु जिल्लामा बौद्ध सम्पदा तथा पर्यटकिय पुरातात्विक सम्पदाको पर्यटन प्रवद्र्धन र गर्न नसकेको अवस्था बिद्यमान रहेको बताईएको छ । लुम्बीनी बिकास कोष गठन भएको लामो समय भईसक्दा लुम्बीनीको मात्र बिकास भएको कपिलबस्तुको बिकासमा भने सुन्य देखिएको हुँदा लुम्बीनी बिकास कोषको बिकल्पको रुपमा कपिलबस्तु बिकास कोषको अवधारणा कपिलबस्तु पर्यटन बिकास समितीले ल्याएको छ । अब कपिलबस्तु बिकास कोषको गठनकालागि सरकारलाई दवाब दिने, सम्मानिय प्रधान मन्त्रीलाई ज्ञापन पत्र पठाईने छ । दोश्रो जिल्ला प्रशासन कार्यालयमा धर्ना दिने र रिले अनसन बस्ने योजना रहेको कपिलबस्तु पर्यटन बिकास समितीका अध्यक्ष हरिष चन्द्र खनालले बताए ।
समितीका अध्यक्ष खनालको अध्यक्षता, साहित्यकार, समाजसेवी, टोल विकास संस्था, युवा क्लव तथा आमा समुहका पदाधिकारीहरु, संचारकर्मीहरुको उपस्थिती, भोजराज खनालको स्वागत तथा दिपेश थारुको सञ्चालनमा कार्यक्रम सम्पन्न भएको थियो ।
साथै प्राचिन कपिलबस्तुको पर्यटन प्रबद्र्धनमा बौद्ध कला सस्कृती र परम्पराको भूमिका सम्बन्धि एक दिने अन्तरक्रिया तथा कोरोना भाईरस सम्बन्धि सचेतना कार्यक्रम सम्पन्न भएको छ । कपिलबस्तु पर्यटन बिकास समिती कपिलबस्तुको आयोजना तथा कपिलबस्तु नगरपालिका ६ सेमरी र बुद्ध दर्शन अध्ययन तथा कपिलबस्तु बिकास केन्द्रको सह आयोजनामा कपिलबस्तु नगरपालिका ६ तिलौरीमा कार्यक्रम सम्पन्न गरिएको छ ।
