मुगु । मुगुको छायानाथ रारा नगरपालिका–१२, सुनाथमा पहिरो जाँदा एउटा डबलक्याप बोलेरो जीप पुरिएको छ।
स्थानीयका अनुसार पहिरो खस्दा सडकमा रहेको बोलेरो जीप पुरिएको हो। जीपमा त्यसबेला कुनै व्यक्ति सवार नरहेकाले मानवीय क्षति भने नभएको बताइएको छ।
घटनाको जानकारी पाएपछि प्रहरी टोली घटनास्थलमा पुगेको छ। पहिरोका कारण पुरिएको जीप निकाल्ने तथा घटनाको थप विवरण संकलन गर्ने काम भइरहेको प्रहरीले जनाएको छ।
मुगुका विभिन्न सडक क्षेत्रमा पछिल्लो समय वर्षाका कारण पहिरो जाने क्रम बढेको छ। यसअघि पनि छायानाथ रारा नगरपालिकाका विभिन्न सडकखण्ड पहिरोका कारण प्रभावित भएका थिए।
प्रकाशित : २०८३ आश्विन २१, बुधबार १४:२०
