सीमा क्षेत्रमा अलपत्र परेका नेपालीलाई अन्तिमपटक छिर्न दिइने

ByLumbini Darpan Online

११ चैत्र २०७६, मंगलवार १४:५५ ११ चैत्र २०७६, मंगलवार १४:५५ ११ चैत्र २०७६, मंगलवार १४:५५

काठमाडौं । सरकारले सीमा क्षेत्रमा अलपत्र परेका नेपालीलाई अन्तिम पटक भित्रन दिने निर्णय गरेको छ ।

मंगलबार बसेको कोरोना सङ्क्रमण रोकथाम तथा नियन्त्रण उच्चस्तरीय समन्वय समितिको १२ औं बैठकले त्यस्ता अलपत्र परेका नेपालीलाई नागकिता वा परिचय खुल्ने अन्य कागजातका आधारमा छिर्न दिइने निर्णय गरेको हो ।

पूर्वसूचना नपाएकाले ती नेपालीहरू स्वदेश फर्कन हतारिएका र नाका बन्द भएपछि अलपत्र परेकाले अन्तिम पटक भित्र्याउने निर्णय भएको समितिका सदस्य तथा सरकारका प्रवक्ता, अर्थ, सञ्चारमन्त्री युवराज खतिवडाले जानकारी दिए ।

नेपाल भित्रिएका नेपाली १४ दिन अनिवार्य क्वारेन्टाइनमा बस्नुपर्ने, बसे नबसेको सम्बन्धित प्रदेश सरकारले अनुगमन गर्ने खतिवडाको भनाइ छ । प्रदेश र स्थानीय सरकारको समन्वयमा ती काम हुने खतिवडाको भनाइ छ ।

त्यस्तै आजको बैठकले लकडाउन सफल बनाउन भूमिका खेल्ने नागरिकप्रति धन्यवाद व्यक्त गरेको छ । लकडाउन (बन्दाबन्दी) प्रभावकारी बनाउने सुरक्षा निकायले खेलेको भूमिकाको पनि समीक्षा भएको खतिवडाको भनाइ छ

Facebook Comments Box

Leave a Reply

Your email address will not be published. Required fields are marked *