हरि आचार्य कपिलवस्तु, पुष ११
जनता समाजवादी पार्टी नेपालले संसद विघटनको विरुद्धमा आज कपिलवस्तुमा मसाल जुलुस स्वरुप मैनबत्ती बालेर विरोध प्रदर्शन गरेको छ । साँझ चार नम्बर जितपुर चोकमा वातावरणिय प्रदुषण कम गर्ने उद्देश्यले मैनवत्ती वालेर विरोध प्रदर्शन गरेको पार्टीले जनाएको छ ।
जसपाका नेता कार्याक्रताहरुले संसद विघटन गर्ने प्रधानमन्त्री केपी शर्मा ओलीको कदम गैरसंवैधानिक भएको भन्दै सरकारको तिव्र आलोचना गरेका छन् ।
जसपा नेपालको पुर्वनिर्धारित कार्यक्रम अनुसार आयोजित कार्यक्रममा केन्द्रिय सदस्य नारायण खनालले पार्टीको आन्तरिक झगडा मिलाउन नसेर संसद भंग गर्ने प्रधानमन्त्रीको प्रवृति गलत रहेको बताए । उनले जनताले दिएको जनदेशलाई वर्तमान सरकारले सम्हाल्न नसकेका कारण संसद र संविधानमाथि प्रहार गरेको पनि आरोप लगाए । त्यस्तै वर्तमान सरकार र नवनियुक्त मन्त्रीहरुले देशको र जनताको हितका लागि भन्दा अब आफ्नो लागि मात्रै काम गर्ने उनको भनाई रहेको छ ।
कार्यक्रममा जनता समाजवादी पार्टी नेपालका नेता तथा पुर्व मन्त्री दानबहादुर चौधारीले पनि सरकारले जनभावना विपरित संसदमाथि प्रहार गरेको भन्दै अहिलेको समय निर्वाचन र संविधान माथिको प्रहार सैहिय नभएको बताएका छन् । उनले लोकतन्त्र, गणतन्त्र र धर्मनिरपेक्षता माथि वर्तमान सरकारले प्रहार गरेको पनि बताए ।
विरोध कार्यक्रममा जनता समाजवादी पार्टीका लुम्बिनी प्रदेश सदस्य मेघनाथ पौडेल लगायत प्रदेश तथा जिल्लाका नेता कार्यकर्ताहरुको उपस्थिती रहेको थियो । विरोध प्रदर्शनसंगै गरिएको कोण सभाको सञ्चालन जसपा कपिलवस्तु निर्वाचन क्षेत्र नं. १ क्षेत्रीय अध्यक्ष नविन चौधरीले गरेका थिए ।
जनता समाजवादी पार्टी नेपालले पुष पाँच गते प्रधानमन्त्रीले संसद भंग गरेयता दैनिक जसो विरोध गरिरहेको छ । शुक्रबार प्रधानमन्त्री र राष्टपतिको पुत्ला दहन गर्दै बिरोध जनाएको थियो भने आज जिल्लाका मुख्य मुख्य स्थानमा मसाल जुलुश सहित विरोध सभा गरेको हो ।
