लुदअ जितपुर, चैत्र २६
लकडाउनको मौका छोपेर बाणगंगा नदीबाट नदीजन्य पदार्थ चोरी निकासी बढेको छ । लकडाउनका बेला सर्वसाधारणहरु घरबाट बाहिर ननिस्कने र जनप्रतिनिधिहरु पनी राहत लगाएत अन्य काममा व्यस्त भैरहेको मौका छोपि कतिपय ट्याक्टरहरु चोरी धन्दामा लम्पट परेका छन् । २÷४ दिन यता बाणगंगा नदिको निषेधित क्षेत्र बाणगंगा पुल देखि करिव १ किलोमिटर तल क्रेसर नजिकैबाट तस्करहरुले नदिजन्य पदार्थ निकासी गरिरहेको स्थानीयले पट्क पट्क संचारकर्मीहरुलाई फोन गरेर जानकारी गराएपछी संचारकर्मीहरुको टोली त्यहा पुगेको थियो ।

बाणगंगा र लुम्बिनी क्रसर नजिकमा चोरी गरि थुपारीएको ५ सय ट्राली बढी नदिजन्य पदार्थ मिस्कट फेला परेको छ । गिरोहहरुले रातको समयमा रातभर टेक्टरबाट चोरी गर्ने गरेको विषयमा स्थानिय बाणगंगा नगरपालिका र प्रहरीलाई समेत पटेक पटेक जानकारी गराएको भएतापनी व्यवास्ता गरेको बताए ।

चोरीका गिरोहबाट त्रसित छन् स्थानीय

स्थानीयहरु रातभर चोरी भएको विषयमा पट्क पट्क फोनमा कुरा राख्छन् क्यामरामा भने बोल्न डराउछन् । उनिहरुले यो गिरोहहरुमा स्थानिय गुन्डाहरु संलग्न रहेको र यसमा प्रहरी समेतको मिलेमत्तो भएको भन्दै क्यामरामा बोल्न डराएका छन् । यस ठाउ राजमार्ग नजिक छ रातको समयमा अहिले लकडाउनमा सवारी साधनहरु समेत नचलेको अवस्थामा प्रहरीले राजमार्गबाट यति नजिक थाहा नपाउने कुरै हुदैन् हामीले समेत पट्क पट्क प्रहरी र जनप्रतिनिधिहरुलाई जानकारी गराएका छौ खै त समाधान उनिहरु प्रश्न गरे ।

ठुलो परिमाणमा मिस्कट फेला

पत्रकारहरुको टोली त्यहाँ पुग्दा ठुलो मात्रामा नदिजन्य पदार्थ डम्पिङ्ख गरेको अवस्थामा फेला परेको छ । फेला परेको मिस्कटबाट पानी तैरिरहेको छ । टेक्टर हिडेको पाईला र अन्य डामहरु समेत ताजै छ । ५ सय ट्राली बढी रहेको सो मिस्कट यत्रतत्र छ । क्रेसर नजिक रहेको सो मिस्कट गिरोहहरुले स्थानिय क्रेसरमै विक्रि गर्ने गरेको स्थानियहरु बताउछन् । गिरोहहरुले स्थानिय मधौलिया सामुदायिक बन को तारवार गरेको ठाउँ सम्म नै ठुलठुला खाल्डा बनाएको स्पष्ट देख्न सकिन्छ ।

प्रहरीको र जनप्रतिनिधिहरुको वेवास्ता
यस विषयमा इलाका प्रहरी कार्यालय पिपराका प्रमुख आयुष कुमार जोसी ले करिव १ महिना अगाडी स्थानियहरुले पत्र सहित जानकारी गराएको भएपनी आफुहरु लक डाउनका कारण अन्य क्षेत्रमा व्यस्त हुदा ध्यान जान नसकेको जवाफ दिएका छन् । यता जन प्रतिनिधिहरु पनी राहतमा व्यस्त भएको जवाफ दिदै उम्कने गरेका छन् ।

लिलाम गर्नुपर्ने स्थानीयहरुको माग
स्थानियबासीहरुले उक्त नदिजन्य पदार्थ तत्काल लिलाम गर्नुपर्ने माग गरेका छन् । संचारकर्मी संग त्यहाँ पुगेका स्थानियहरुले फेला परेको नदिजन्य पदार्थ तत्काल लिलाम गरि चोरी निकासी गर्ने उपर छानविन गरि कार्बाहि गर्नुपर्ने माग गरेका छन् । चोर िनिकासीमा स्थानिय व्यवसायिहरुकै संलग्नता छ छानविन गरे फेला पर्छ । उनिहरुले भने आफुहरुको सुरक्षा हुनेभए नामै किटान गछौ ।

यस्तो समयमा चोरी गर्नु ठुलो अपराध : प्रजिअ पौडेल
देश कोरोनाका कारण लकडाउनमा रहेको बेला विपतमा समेत चोरी गर्नु ठुलो अपराध रहेको भन्दै प्रमुख जिल्ला अधिकारी द्धिर्घनारायण पौडेलले यथासिग्र नियन्त्रणमा लिईने बताए ।