वाणगंगा नगरपालिकाद्धारा १९ सय ३५ परिवारलाई राहत वितरण

ByLumbini Darpan Online

२९ चैत्र २०७६, शनिबार १४:५१ २९ चैत्र २०७६, शनिबार १४:५१ २९ चैत्र २०७६, शनिबार १४:५१

हरि आचार्य कपिलवस्तु, चैत्र २९

विश्व महामारीको रुपमा फैलिएको कोरोना भाईरस (कोभिड १९) को संक्रमण फैलिन नदिन सरकारले लकडाउन घोषणा गरेसंगै गरिव, विपन्न तथा मजदुरहरुको समस्यालाई मध्यनजर गर्दै कपिलवस्तुको वाणगंगा नगरपालिकाले पहिलो चरण अन्तर्गत नगरका १ हजार ९ सय ३५ परिवारलाई राहत वितरण गरेको छ । शुक्रवार वडा नं. ७ देखि ११ सम्मका ८ सय ८१ परिवारलाई राहत प्रदान गरिएको थियो भने आज शनिवार डा नं. १ देखि ६ सम्मका १ हजार ५४ घर परिवारलाई वितरण गरिएको नगर प्रवक्ता विष्णु पौडेलले जानकारी दिएका छन् ।

नगरपालिका भित्रका गरिव तथा असंगठित क्षेत्रमा कार्यरत मजदुरहरुलाई राहत वितरण गर्ने उद्देश्यले वडा अध्यक्षहरुलाई राहत सामग्री जिम्मा लगाएको छ । नगरपालिकाले एकद्धार प्रणालीबाट राहत वितरण निर्णय गरेसंगै नगर उपप्रमुख चक्रपाणि अर्यालको संयोजकत्वमा राहत वितरण समिति गठन गरिएको छ । नगरले स्थापना गरेको दैवी प्रकोप कोषमा विभिन्न संघ संस्था तथा व्यक्तिहरुले सहयोग गर्ने क्रम जारी रहेको छ ।

नगरपालिका भित्र पहिलो चरणमा राहत पाउने १ हजार ९ सय ३५ परिवार मध्ये ५ जनासम्मको परिवारलाई २० किलो चामल, २ किलो दाल, १ लिटर तेल, १ प्याकेट नुन, र २/२ वटा नुहाउने र कपडा धुने साबुन तथा ५ जना भन्दा माथिका परिवारलाई ३० किलो चामल, ३ किलो दाल, डेढ लिटर तेल र २/२ वटा नुहाउने र कपडा धुने साबुन वितरण गरिएको राहत वितरण समितिका संयोजक चक्रपाणि अर्यालले बताएका छन् ।

यस अघि सम्पुर्ण वडाका वडाअध्यक्षहरुलाई आफ्नो वडाभित्रका गरिव, विपन्न परिवार तथा असंगठित क्षेत्रमा कार्यरत मजदुरहरुको विवरण संकलन गर्न आदेश दिएको थियो सोहि विवरण अनुसारनै राहत वितरण गरिएको बताईएको छ ।

राहत वितरण कार्यक्रममा नगर प्रमुख मंगल प्रसाद थारु, सम्पुर्ण वडाका वडाअध्यक्ष, राहत वितरण समितिका सदस्य सचिव खिम बहादुर जिसि, कर्मचारी तथा प्रतिनिधी, उधोग बाणिज्य संघका अध्यक्ष उमनाथ पौडेल, राजनितिक दलका प्रतिनिधी, कपिलवस्तु नागरिक समाजका अध्यक्ष दोलख पछाई, समाजसेवि दोलकराम घिमिरे, लगायत अन्य पत्रकारहरु तथा सरोकारवालाहरुको उपस्थिती रहेको थियो ।

Facebook Comments Box

Leave a Reply

Your email address will not be published. Required fields are marked *