हरि आचार्य कपिलवस्तु, बैशाख ५
विश्व महामारीको रुपमा फैलिरहेको कोरोना भाईरस (कोभिड १९) को संक्रमण फैलन नदिन सरकारले लकडाउन घोषणा गरेसंगै गरिव, विपन्न तथा असंगठित क्षेत्रमा कार्यरत मजदुरहरुलाई छाक टार्न समस्या निम्तिसकेको छ । सोहि समस्यालाई मध्यनजगर गर्दै कपिलवस्तुका स्थानिय तहहरुले राहत वितरणको कार्यलाई तिब्रता दिएका छन् । सोहि क्रममा बुद्धभूमी नगरपालिकाले पनि राह वितरणको काम सुरु गरेको छ । नगरपालिकाका विभिन्न वडाहरूमा राहत वितरण कार्य सुरु गरिएको हो । नगरपालिकाले एकद्धार प्रणालीबाट राहत प्रदान गरेसंगै वडाले गरिव, विपन्न तथा मजदुरहरुको विवरण संकलन गरी सो विवरण नगरपालिकामा पठाउने र सोहि विवरण अनुसार नगरपालिकाले राहत प्रदान गर्ने निति बनाईएको छ ।
लकडाउनको यो विषम परिस्थितीलाई मध्यनजर गर्दै बुद्धभूमि नगरपालिका वडा नंं.३ का वडाअध्यक्ष गोबिन्द प्रसाद आचार्य (बिकास) ले वडाका हरेक गरिव, विपन्न तथा असंगठित क्षेत्रमा कार्यरत मजदुरहरुको घरघरमा गई राहत प्रदान गरेका छन् । विभिन्न टोल विकास संस्थाले सिफारिश गरेअनुसार राज्यको मापदण्डमा रहि राहत प्रदान गरिएको वडाअध्यक्ष आचार्यले बताए । वडामा पहिलो चरणमा १ सय ५ विपन्न घर परिवारलाई राहत वितरण गरेको उनले बताए । वडाअध्यक्ष आचार्यले नगरपालिकाले तोकेको मापदण्ड अनुसार प्रति घरपरिवार चामल, दाल, तेल, नुन र साबुन वितरण गरिएको बताएका छन् । राहत वितरण शान्तीपुर्ण रुपमा भएको र छुटेका नामावलीका लागि गुनासो टिपोट समेत गरिएकाले आवश्यकता पहिचान गरेर केहि समय पछि राहत वितरण गरिने उनले बताए । उनका अनुसार नगर कार्य पालिकाको बैठकले पारित गरेको राहत वितरण तथा व्यवस्थापन कार्य्विधि अनुसार वडामा राहत वितरण गरिएको छ ।
राहत पाएसंगै गरिव तथा विपन्न परिवारमा खुसी पलाएको छ । राहत वितरणमा वडाका जनप्रतिनिधी, टोल विकास संस्थाका अध्यक्ष तथा प्रतिनिधी, विभिन्न राजनितिक दलका प्रतिनिधी, संघसंस्थाका प्रतिनिधी, स्वास्थ्यकर्मी लगायतको उपस्थिती रहेको थियो ।
