लुदस,कपिलवस्तु । राष्ट्रिय लोकभजन चुड्का संरक्षण प्रतिष्ठान नेपाल जिल्ला कार्य समिति कपिलवस्तुको दोस्रो अधिवेशन शनिबार कपिलधाममा सम्पन्न भएको छ। अधिवेशनले बुद्धिसागर बेल्वासेको अध्यक्षतामा १९ सदस्यीय नयाँ कार्य समिति चयन गरेको छ।
नयाँ कार्यसमितिको उपाध्यक्षमा बाबुराम खनाल, महिला उपाध्यक्षमा राधा पाण्डे, सचिवमा लिलापति घिमिरे, कोषाध्यक्षमा घनश्याम घिमिरे, सहसचिवमा पम्फा पाण्डे (खनाल) तथा सह–कोषाध्यक्षमा दधिराम घिमिरे चयन भएका छन्। त्यस्तै सदस्यहरूमा खगेश्वर बेल्वासे, रिता खनाल, मधु आचार्य, गंगा चौधरी, मेनुका खनाल, डिल्लीराज खनाल, शोभाखर अधिकारी, जगत प्रसाद अधिकारी, गोमा भुसाल, पुष्पा आचार्य र बेदुराम घिमिरे रहेका छन्।
अधिवेशनमा लोकभजन चुड्का संस्कृतिको संरक्षण, संवर्द्धन तथा विकासमा योगदान पुर्याएको भन्दै संस्थापक अध्यक्ष तथा लुम्बिनी प्रदेश उपाध्यक्ष थानेश्वर अधिकारी, प्रदेश सदस्य तथा कपिलवस्तु इन्चार्ज पुर्णचन्द्र परियार र केन्द्रीय सदस्य कृष्ण प्रसाद आचार्यलाई सम्मान गरिएको थियो।
कार्यक्रममा प्रतिष्ठान कपिलवस्तुका उपाध्यक्ष बुद्धिसागर वेल्वासेले संस्थाको प्रगति प्रतिवेदन प्रस्तुत गरेका थिए। प्रतिष्ठान कपिलवस्तुका अध्यक्ष लेखनाथ घिमिरेको अध्यक्षता तथा केन्द्रीय अध्यक्ष नारायण खनाल (लेकाली) को प्रमुख आतिथ्यतामा सम्पन्न कार्यक्रममा केन्द्रिय सदस्य कृष्ण प्रसाद आचार्य, लुम्बिनी प्रदेशका वरिष्ठ उपाध्यक्ष रामबहादुर ओली, उपाध्यक्ष थानेश्वर अधिकारी,महासचिव रुक्मागत पाण्डे, कोषाध्यक्ष भगवती अर्याल, सदस्य माया पौडेल (घिमिरे) ,कपिलधामका अध्यक्ष शंकर आचार्य,पत्रकार बाबुराम रायमाझी,रामबहादुर गन्धर्व लगायत विभिन्न पदाधिकारी, पत्रकार तथा भजनप्रेमीहरूको उल्लेखनीय उपस्थिति रहेको थियो।
कार्यक्रमको स्वागत मन्तव्य उपाध्यक्ष बुद्धिसागर बेल्वासेले दिएका थिए भने सञ्चालन प्रदेश सदस्य पुर्णचन्द्र परियारले गरेका थिए ।
