सेतो केराउको कालो धन्दा, अनुदानको मटर भारत तस्करी प्रहरी साझेदार बन्दै

सागर पौडेल/राम प्रघट कोरी कपिलवस्तु, फागुन २८
कपिलवस्तुमा केराउ तस्करी विगत केही महिना देखि बढ्दै गएको छ । नेपालबाट दिनहुँ तस्करहरुले सयौँ क्युन्टल केराउ खुलेआम तस्करी गरिरहेका छन् । दैनिकजसो स्थानिय तस्करहरुले नेपालमा गोदाम राखेर प्रहरीसंगै मिलेमत्तो गरि तस्करी गर्ने गरेका छन् । कृष्णनगरबाट केराउ ओसार पसारमा महिला तथा बालबालिका वृद्ध बढी संलङ्न हुनेगरेका छन् । व्यापारीले यस्ता मानिसहरुलाई तस्करीका लागि प्रति पट्कको १ सय देखि १ सय ५० दिने गरेको खुल्न आएको हो । तस्करले कृष्णनगर आसपासका क्षेत्रमा गोदामनै राखेर तस्करी गर्नेगरेको स्थानियहरु बताउछन् ।

स्थानियहरुले भने प्रहरीलाई गोदामका बारे थाहा छ यहि वरिपरि घुम्छन् निष्किन्छन कुनै वास्ता छैन् । तस्करहरुले साइकल, मोटरसाइकल र अटो रिक्सामा बोकेर ल्याउने गरेका स्थानीयवासीले बताएका छन् ।
कृष्णनगर नगरपालिका विभिन्न नाका हुँदै तस्करले भारतमा लैजाने गरेका छन् । गएको महिनामा इलाका प्रहरी कार्यालय गणेशपुरले यसै नगरपालिकाको छिमेकी गाउँपालिकाको सिमाना क्षेत्रबाट १५ क्यून्टल केराउको दाल बरामद गरेको भएपनी अहिले खुलेयाम तस्करी हुने गरेको हो ।

व्यापारीले प्रहरीलाई महिनावारी दिएर तस्करी गराउने गरेको स्रोतको दाबी छ । अहिले कृष्णनगर नगरपालिकाको विभिन्न नाका हँुदै तस्करी भईरहेको छ । कृष्णनगर सिमा क्षेत्र भारतसँग जोडिएको र खुल्ला सिमाना भएकोले तस्कारहरुलाई चोरी निकासी गर्न सहज भएको छ ।

विगत केही महिनादेखि केराउको दाल महँगो भएपछि तस्करहरुले मौका छोपी चोरी निकासीमा संलग्न भएको तथ्य बाहिर आएको हो । नेपालमा बङ्लादेशबाट अनुदानमा आउने दाल प्रति किलो रु. ६५मा विक्रि हुने गरेको छ । सो दाल भारतिय बजारमा ८० रुपियाँमा विक्री भएकोले नेपालमै सस्तो पर्ने पर्न जान्छ ।
कृष्णनगर नगरपालिकाको भगवानपुर, बेदमऊ, सोनवर्षा र सिर्सिहवा नाका हँुदै तस्करहरुलाई पायक पर्ने ठाउँबाट भारत निर्यात गरिरहेका छन् । कृष्णनगर इलाका प्रहरी कार्यालयको मातहतमा रहेको प्रहरी चौकी बेदमऊ र सिर्सिहवा नजिकैबाट खुलेआम तस्करले मटर तस्करी हुँदा प्रहरी बेखबर बनेको छ । यसरी प्रहरीकै अगाडीबाट तस्करी हुनु प्रहरीकै मिलेमत्तो भएको पाईएको छ ।

यता ईलाका प्रहरी कार्यालय कृष्णनगरका प्रहरी निरिक्षक प्रताप पौडेललाई सम्पर्क गर्दा खुल्ला सिामाना भएका कारण तस्करी हुने गरेको ग्रैह् जिम्मेवार तर्क गरे । उनले कहिलेकाहि पक्राउ हुने गरेको समेत बताए । तर तस्करहरुले हप्तामा तिन देखि ५ ट्रक मटर आयात गरि तस्करी गर्ने गरेको स्थानिय बताउछन् । यता जिल्ला प्रहरी कार्यालयका प्रमुख ,प्रहरी उपरिक्षक दिप शमशेर जबराले यसबारेमा बुझेर छिट्टै नियन्त्रणमा जाने बताए । यस तर्फ सम्बन्धीत निकायको छिट्टै ध्यान जान जरुरी छ ।

Recommended For You

About the Author: Lumbini Darpan Online

Leave a Reply

Your email address will not be published. Required fields are marked *