लुदस,कपिलवस्तु ।
चुनाव नजिकिदै गर्दा नेकपा (एमाले)बाणगंगा नगरपालिका वडा नं ६ ले हिजो देखी चुनाव प्रचार प्रसार अभियानलाई तिब्रता दिएको छ । बैशाख ३० गते हुने स्थानीय तहका चुनावका उम्मेदवार लगायत पार्टी नेता कार्यकर्ताहरुको टोली चुनावी अभियानमा जुटेका छन् । नेकपा एमाले बाणगंगा नगरपालिका ६ नम्बर वडा कमिटीले आज पनी निर्वाचन प्रचारप्रसार तथा घरदैलो अभियान वडाका सबै टोलमा जारी राखेको छ । घरदैलो अभियानका क्रममा हिजो नगर प्रमुखका उम्मेदवार चक्रपाणी अर्यालले बोल्दै बाणगंगा नगरलाई विकास र समृद्ध बनाउन अधुरा कामलाई प्राथमिकता दिने बताएका छन् । साथै उनले सत्ता गठवन्धनमा सामेल दल सङ्ग देश बनाउने कुनै योजना र राजनितिक एजेन्डा नभएको बताउदै नगरमा नेकपा एमालेको जित सुनिश्चित रहेको समेत दावी गरेका छन् ।
घरदैलो तथा चुनाव प्रचार प्रसार कार्यक्रममा बोल्दै उपप्रमुखका उम्मेदवार रिता थारुले समृद्ध नेपाल सुखी नेपालीको राष्ट्रिय संकल्प बोकेको पार्टी नेकपा एमाले नै रहेको औल्याएकी छन् । देश लाई विकास र निकास केवल नेकपा एमालेले मात्र दिन सक्ने बताउदै सुर्य चिन्हमा छाप लागाई मतदान गर्न आग्रह गरेकी छन् । आफुले उप प्रमुखमा जिते नगरका महिला, बालबालिका, जेष्ठ नागरिक, अपांगता भएका व्यक्ति, एकल महिला , युवा लगायतको क्षेत्रमा योजना र भिजनका साथ काम गर्ने प्रतिबद्धता जनाएकी छन् ।
त्यस्तै वडा नंं ६ का वडा अध्यक्ष पदका उम्मेदवार सुकदेव चौधरी थारुले जनताको खुशी र राष्ट्रको समृद्धिको एजेन्डा बोकेर हिडेको पार्टीले आफुलाइ पुनः वडा अध्यक्षका रुपमा अघि सारेकाले स्थानीय सरकार लाई जनमुखी बनाउदै वडालाई समृद्ध बताउन सबैसङ्ग हातेमालो गरेर अघि बढ्ने प्रतिबद्धता ब्यक्त गरेका छन् ।
चुनाव प्रचार प्रसार तथा घरदैलो अभियानमा वडा न.ं ६ का पार्टी कार्यकर्ताहरुको बाक्लो उपस्थिती रहेको छ ।
वडा बिकासका लागी उम्मेद्धवार घोषणा पत्र र शुभकामना पत्र लिएर उमेदवारहरु घरदैलो गरेका हुन । उम्मेदवारलाई जिताउन पार्टी नेता तथा कार्यकर्ताले घरदैलो सुरु गरेका हुन । निर्वाचन प्रचारप्रसार कार्यक्रम अन्र्तगत आज तिनघेरवा,अमौली,सुठौली,लक्ष्मणघाट,गणेशपुर,मनोहरापुरमा घरदैलो कार्यक्रम गरिएको छ ।
