लुदस,कपिलवस्तु , नेकपा एमाले बाणगंगा ५ का वडाध्यक्ष पदका उमेद्धवार युवराज पोख्रेलले आफुले यो पटकको निर्वाचनमा जनताको साथ सहयोग पाएर चुनाव जितेमा वडालाई नगरकै नमुना वडा बनाउन पहल गर्ने बताएका छन् ।
नेकपा एमालेका नगर अध्यक्ष समेत रहेका पोख्रेल वडा अध्यक्षको उम्मेदवार भएपछी वडामा ५ दिन लगाएर उमेद्धवार सहित सबै मतदाताको घरदैलोमा पुगेका छन् । सबैका घरदैलोमा पुग्दा जनताहरुमा राम्रो उत्साह छाएको र आफूहरुको उम्मेदवारीहरुलाई जनताले अत्यन्तै सकारात्मक रुपमा लिएको पोख्रेलले बताए । नेकपा एमाले बाणगंगाकै अध्यक्ष पोखरेल वडा अध्यक्षको उम्मेदवार बनेर वडामा आएपछि यहाँको विकास निर्माणले उचित महत्व पाउने भन्दै स्थानीय बढी हर्षित देखिएका छन् ।
शालिन र भद्र स्वभाव, उच्च शैक्षिक ज्ञान र बचनका पक्का पोखरेललाई थारु समुदायले समेत राम्रोसँग रुचाएका छन् । सो वडामा झण्डै आधा जनसंख्या थारुको रहेको छ । योग्य र सक्षम उमेद्धवार पाएपछी बढी मत पाएर चुनाव जित्ने सबैले आकलन गरेका छन् ।
मतदाताका बिचमा आफुले बिकास निर्माण र समृद्धिका प्रतिबद्धता जाहेर गरेको भन्दै निर्वाचित भएपछि पूरा गर्नेमा मतदातालाई बिश्वास दिलाएको वताए ।
