अनेरास्ववियु रुपन्देहीले शैक्षिक क्षेत्रमा देखिएका समस्याको बिरुद्ध आन्दोलनमा उत्रने निर्णय गरेको छ ।
जेठ २८ गते शनिबार देवदह आदर्श क्याम्पसमा बसेको चौथो नियमित बैठकले शैक्षिक क्षेत्रमा देखिएका समस्या समाधानका लागि सशक्त आन्दोलन गर्ने तयारी गरेको हो । अनेरास्ववियुले जनताको जिवनमा प्रत्यक्ष जिवनमा प्रभाव पार्ने दैनिक उपभोग्य बस्तुको मूल्य वृद्धिलाई नघटाए सम्म सशक्त आन्दोलन गर्ने समेत तयारी गरेको छ । अनेरास्ववियुले जनतासङ प्रत्यक्ष जोडिएको जिवनयापन र शैक्षिक क्षेत्रका समस्या समाधान गर्न सबै तहका कमिटी सक्रिय बनाउने लगाएतका महत्त्वपूर्ण निर्णय गरेको जिल्ला कमिटी अध्यक्ष शेषकान्त पोखरेलले बताए । अनेरास्ववियुको नियमित बैठकलाई सम्बोधन गर्दै संगठनका केन्द्रीय उपाध्यक्ष यम पान्डेले संगठनका हरेक कमिटीले हरेक महिना एउटा कार्यक्रम अनिवार्य गर्न निर्देशन गर्नुभएको थियो ।
प्रमुख अतिथि समेत रहनुभएका पान्डेले देशकै नमुना कमिटी बनेर देखाउन रुपन्देही जिल्ला कमिटीलाई आग्रह गर्नुभएको थियो । बैठकलाई सम्बोधन गर्दै अनेरास्ववियु स्थायी कमिटी सदस्य तथा लुम्बिनी प्रदेश संयोजक सरोज पोखरेलले अनेरास्ववियुप्रती आम जनताले पुर्ण बिस्वास रहेकोले जनताको चाहना अनुरुप आफ्ना गतिविधि अगाडि बढाउनुपर्नेमा जोड दिनुभएको थियो । वहाले जनताको जिवनमा प्रत्यक्ष प्रभाव पार्ने समस्या समाधान गर्न अनेरास्ववियु मात्र सक्षम भएको समेत बताउनुभएको थियो । बैठकमा अनेरास्ववियु केन्द्रिय कमिटी सचिवालय सदस्य तथा रुपन्देही इन्चार्ज बालकृष्ण पान्डेले अनेरास्ववियुका नेता कार्यकर्तालाई परम्परागत ढंगले नभएर आधुनिक र समयको माग अनुसार चल्न निर्देशन गर्नुभएको थियो ।
