साउन २ गते । तिलोत्तमा नगरपालिकामा आर्थिक वर्ष २०७९ र८० का लागि प्रस्तावित बजेट पारित गर्न बोलाइएको १२ ओैं अधिवेशनको चौथो बैठक आज पनि स्थगित भएको छ । हिजो बैठकमा उपस्थित सदस्यहरुको संख्या पुग्दा पनि नगरप्रमुख खाँण र प्रमुख प्रशासकीय अधिकृत जीवन ज्ञवालीले बैठक स्थगित गरेको एमालेका जनप्रतिनिधिहरुको भनाइृ छ । बैठक सुरु हुनु भन्दा अघि नै आफ्ना ४८ जना नगर सदस्यहरु उपस्थित भएको र बैठक सुरु भए लगत्तै हाजिर गर्न माग्दा प्रमुख प्रशासकिय अधिकृत ज्ञवालीले हाजिर गर्न नदिएर उपस्थित संख्या नपुगेको भनि बैठक स्थगित गरेको कार्यपालिका सदस्य सुरेन्द्र श्रीले बताउनुभयो ।
यसअघि असार ३१ गते बोलाइएको बैठकमा पनि गणपुरक संख्या नपुगेको भन्दै नगर प्रमुख खाँणले बैठक स्थगित गर्नुभएको थियो । र उक्त बैठक आजका लागि सारिएको थियो । आज बस्ने भनिएको बैठक पनि सुचना टांस गरेर भोली सम्मका लागि स्थगित गरिएको हो । बैठक भोलि विहान ११ बजेका लागि बोलाईएको छ ।
यसै सन्दर्भमा राष्ट्रिय युवा संघ नेपाल तिलोत्तमा नगर कमिटिले आज मणिग्राम चोकमा विरोध सभा गरेको छ । तिलोत्तमा नगरपालिकाका निर्वाचित जनप्रतिनिधिमाथि भएको प्रहरी ज्यादतीको विरोधमा संघले विरोध गरेको हो । विरोध कार्यक्रमलाई सम्बोधन गर्दै संघका केन्द्रिय उपाध्यक्ष सुमन पुरीले बहुमत प्राप्त दललाई हस्ताक्षर गर्न नदिएर नगरसभा स्थगित गरिएको बताउनुभयो । “हिजो जनप्रतिनिधिलाइृ प्रहरीले अमर्यादित किसिमले गरेको ब्यबहारप्रति राष्टिय युवासंघ नेपाल खेद प्रकट गर्दछ उहांले भन्नुभयो” । पुरीले गठबन्धन नगर सरकार योजनाबद्ध तरिकाले नगरसभाको मर्म तथा गरिमा विपरीत कार्य गर्न खोजेको आरोप समेत लगाउनुभएको छ । यसैगरी उक्त घटनाको भर्त्सना गर्दै नेकपा एमाले रुपन्देहीले डीएसपी केसी र नगरपालिकाका प्रमुख प्रशासकीय अधिकृत जीवन ज्ञवालीलाई कारवाही गर्न प्रमुख जिल्ला अधिकारी समक्ष माग गरेको छ । एमालेबाट निर्वाचित जनप्रतिनिधि जिल्लास्तरीय नेता लगायतले आजै प्रमुख जिल्ला अधिकारीलाई जिल्ला प्रशासन कार्यालयमै पुगेर ज्ञापन पत्र बुझाएका हुन् ।
