भैरहवा–
रुपन्देहीको सिद्धार्थनगर नगरपालिका वडा नं ८ स्थित भैरहवाको बसडिलवाको सिङ्गो गाउँका स्थानीय नै नेपाली कांग्रेस प्रबेश गरेका छन् ।
गृहमन्त्री एवं नेपाली कांग्रेसका प्रभावशाली नेता तथा पाँच दलीय गठबन्धनको तर्फबाट रुपन्देही क्षेत्र नं। ३ का प्रतिनिधि सभा उम्मेदवार बालकृष्ण खाँण र क्षेत्र नम्बर ३ ९क०का प्रदेशसभा उम्मेदवार सन्तोषकुमार पाण्डेयलाई समर्थन गर्दै उक्त गाउँका स्थानीय नेपाली कांग्रेसमा प्रबेश गरेको कांग्रेस क्षेत्रीय सचिव लेखनाथ भट्टराईले जानकारी दिए ।
मुस्लिम समुदायको बाहुल्यता रहेको उक्त गाउँबाट शनिवार आयोजित कार्यक्रममा १ सय ५१ जना पार्टी प्रबेश गर्दै नेपाली कांग्रेसको सदस्यता समेत लिएका छन् । प्रबेश गर्नेहरुमा एमालेबाट निर्वाचित पूर्व वडासदस्य अस्गर अली फकीर लगायत रहेका छन् ।
उनले नेता खाँण रुपन्देहीको मात्र नभई सिंगो मुलुकको नेता तथा यस क्षेत्रको अविभावक समेत भएकाले गाउँलेले उनको पक्षमा समर्थन जनाएको जानकारी दिए । उनीहरुलाई पार्टी सदस्यता प्रदान गर्दै गृहमन्त्री खाँणले देस बिकास र शुसासनको अभियानमा लागेको गठबन्धनलाई बिजयी गराउन जुट्ने सवैलाई धन्यबाद दिए । उनले कांग्रेस सवैको पार्टी र सवै अट्ने पार्टी भएको स्मरण गराउँदै आगामी दिनमा बर्तमान व्यवस्था बचाउँदै जनताको अवस्था बदल्ने अभियानमा सहकार्य गरेर अगाड िबढ्ने बताए ।
