२६ मंसिर २०७९

तिलोत्तमा

रुपन्देहीको तिलोत्तमामा कार्यकक्ष भित्रै कर्मचारी कुटिएको भन्दै तिलोत्तमा नगरपालीकाक सम्पुर्ण कर्मचारीले त्सको बिरोध गरेका छन्। घटनाप्रति तिलोत्तमा नगरपालिका अन्तर्गतका नगरपालीका ,वडा कार्यालय र स्वास्थ्य संस्थामा कार्यरत कर्मचारीहरुले आपत्ति प्रकट गरेका छन् । उनीहरुले घटनामा संलग्न दोषीलाई कारवाहीको माग गरेका छन् ।

आज तिलोत्तमा नगरपालीकाका कर्मचारी हरुले संम्युक्त एक बिज्ञप्ती जारी गर्दै कार्यरत इश्वरी भण्डारीमाथि कार्यकक्षमै हातपात गर्ने माथि कडाभन्दा कडा कारवाहीको माग गरिएको छ । यसले स्थानिय सरकारका कार्यालयमा काम गर्ने कर्मचारी माथि नै असुरक्षाको अवस्था श्रृजना भएको भन्दै तत्काल कारवाही नगरे आफुहरुमा आन्दोलनमा उत्रिन बाध्य हने समेत उल्लेख गरिएको छ । यसमा नगरपालीकाले समेत पहल कदमी लिन आग्रह गरिएको छ ।

विज्ञप्तीमा कर्मचारीको कार्यस्थलको सुरक्षाको प्रत्याभूति गर्दै कार्यसम्पादनको उचित वातावरणको लागि आवाज उठाइरहेको अवस्थामा कार्यस्थलमै आपराधिक घटना हुनु दुर्भाग्यपूर्ण भएको उल्लेख गरिएको छ । साथै विज्ञप्तीमा आपराधिक घटनामा संलग्न व्यक्तिमाथि कारवाहीको माग गर्दै घाइते भण्डारीको शीघ्र स्वास्थ्यलाभको कामना गरिएको छ । कर्मचारीलाई उच्च मनोवलका साथ काम गर्ने वातावरण मिलाउन समेत माग गरिएको छ ।

यसअधि हिजो आइतबार दिउँसो ३ः२० बजेको समयमा तिलोत्तमा नगरपालिका वडा नम्बर ७ निबासी खिमानन्द काफ्लेले हातपात गरेका हुन् । उनको लालपुर्जामा ५ धुर जग्गा रहेको तर ६ धुर उपभोग गर्दै आएकोमा नगरपालिकाले ५ धुरमा मात्र घर बनाउन दिएको थियो । तर काफ्लेले आफ्नो घर सानो भएकोले ६ धुरमै बनाउन अनुमति नदिएको विषयमा हात पात गरेको पिडित इश्वरी भण्डारीले जनाएका छन ।