लुदअ,भलवाड । नेकपा एमालेको जनतासँग जनप्रतिनिधि अभियान कपिलवस्तुको बाणगंगा ९ मा बुधबार सम्पन्न भएको छ । वडा नम्बर ९ मा पुगेका एमाले नेता कार्यक्रता तथा निर्वाचित विभिन्न तहका जनप्रतिनिधिहरुले वडाको मुख्य सडक निर्माणमा पुर्णता, शिक्षा स्वास्थ्य र खानेपानीका सवालमा आ आफ्ना धारणा व्यक्त गरेका छन् ।
नेकपा एमाले बाणगंगा नगर कमिटिको आयाजनामा यही असोज २० गते देखि जारी एक महिनो जनतासँग जनप्रतिनिधि अभियान कार्यक्रम अन्र्तगत वडा नम्बर ९ मा चौवाह र पडरियामा सम्पन्न भएको छ। कार्यक्रममा जनताका तर्फबाट उठेका प्रश्नहरुको जवाफ दिदै लुम्बिनी प्रदेश सासंद विष्णु पन्थीले भलवाडको विकासका लागि यहाँको मुख्य सडक सञ्जाललाई पुर्णता दिने विषयमा आफ्नो ध्यान रहेको बताए। यस्तै उहाँले शिक्षा, स्वास्थ्यको क्षेत्रमा पनि भलवाडलाई विशेष योजनाहरु आफुले ल्याउने प्रतिबद्धता जनाए ।
यस्तै कार्यक्रममा बाणगंगा नगरपालिकाका मेयर चक्र अर्यालले बाणगंगा नगरपालिकाका तर्फबाट वडा नम्बर ९ का लागि विभिन्न कार्यक्रमहरु रहेकाले क्रमशः आफुले गरेका प्रतिबद्धता अनुसार काम गरिने बताए। यस्तै अन्य जनप्रतिनिधिहरुले पनि निर्वाचनका बेला गरिएका प्रतिबता अनुसार काम गर्न अग्रसर रहेको दाबी पनि गरेका छन् ।
कार्यक्रममा नेकपा एमाले केन्द्रिय सदस्य तथा लुम्बिनी प्रदेश सांसद गिरिधारीलाल न्यौपाने, बाणगंगा नगर उप प्रमूख रिता चौधरी, एमाले जिल्ला अध्यक्ष डम्बर शर्मा, जिल्ला उपाध्यक्ष विश्रामप्रसाद थारु, वडा नम्बर ९ का वडा अध्यक्ष कमल पौडेल, पुर्व वडा अध्यक्ष धुुव्र्र बेल्वासे, वडा नम्बर ९ का वडा सदस्यहरु लगाएतको उपस्थिति रहेको थियो ।
बाणगंगा नगरपालिकामा नेकपा एमालेले वडा नम्बर ७ बाट जनतासँग जनप्रनिधि कार्यक्रम असोज २० गते देखि सुरु गरेको हो । यो अभियान एक महिना संचालन हुने जनाइएको छ । यो अभियानमा एमालेबाट निर्वाचित जनप्रतिनिधिहरुले आफूले निर्वाचनमा जनतासँग गरेका प्रतिबद्धता कति पुरा भए र जनताको राय कस्तो छ भन्ने सवालमा अभियानमा केन्द्रित रहेका छन् ।
