काठमाडौं । राष्ट्रियसभा अध्यक्षको उम्मेदवार चयन गर्न सत्तारुढ नेकपा (माओवादी केन्द्र)को पदाधिकारी बैठक आज बस्दै छ । पार्टी अध्यक्ष पुष्पकमल दाहाल प्रचण्डले अपराह्न ५ बजे बस्ने गरी पदाधिकारी बैठक बोलाएका हुन् ।

नयाँ सत्ता समीकरण बनेपछि माओवादीले राष्ट्रियसभाको अध्यक्ष र एमालेले उपाध्यक्ष पाउने सहमति बनेको छ। यसअघि शनिवार बसेको संसदीय बैठकमा अध्यक्ष चुन्ने जिम्मेवारी प्रधानमन्त्रीसमेत रहेका अध्यक्ष पुष्पकमल दाहाल ’प्रचण्ड’लाई दिइएको थियो । उनले पदाधिकारी बैठक राखेर यसबारे छलफल गर्ने बताएका थिए ।