तिलोत्तमा नगरपालिका वडा  नं- ६ लाई (iso) अन्तर्राष्ट्रिय गुणस्तर प्रमाणित वडा बनाउने तयारी  स्वरूप आइतबार प्रारम्भिक सम्झौता पत्रमा हस्ताक्षर भएको छ ।
वडामा आयोजित कार्यक्रममा आई एस ओ सर्टिफिकेशन नेपालका निर्देशक सुदिप शर्मा र वडा अध्यक्ष गणेश पाठक बिच प्रारम्भिक सम्झौता पत्रमा हस्ताक्षर भएको हो ।कार्यक्रममा तिलोत्तमा नगरपालिकाका प्रमुख राम कृष्ण खाणले सुशासनयुक्त, पारदर्शिता, जवाफदेही सहरको रुपमा नगरपालिकालाई स्थापित गर्नेगरि नगरपालिका लागेको बताउनुभयो । यसैअनुरुप आई एस ओ प्राप्त वडाको सुरुआत वडा नं ६ बाट गरिएको उहाँले बताउनुभयो ।

विस्तारै १७ वटै वडा लाई अन्तर्राष्ट्रिय गुणस्तर प्रमाणित वडा बनाउने तयारी गरिएको नगर प्रमुख खाणले जानकारी पनि दिनु भयो।
कार्यक्रममा आई एस ओ प्रतिनिधि सुदिप शर्माले कार्य सम्पादनका विभिन्न ४७ ओटा सूचक पुरा गर्नुपर्ने जानकारी दिनु भयो। त्यसको लागि वडा कार्यलयलाई चुस्त रूपमा काम गर्न सुझाव दिनुभयो ।
तद अनुसार तिलोत्तमाका १७ वटै वडामा अन्तर्राष्ट्रिय गुणस्तर लिन प्रक्रिया अगाडि बढाइ सकिएको जानकारी दिनुभयो ।
 वडा अध्यक्ष गणेश पाठकले आई एस ओ प्राप्त सम्झौता ले भन्दा पनि नागरिक ले हासिल गर्ने सेवा सुविधा र काममा सार्थक तुल्याउन एक वर्ष भित्रै सम्पूर्ण सूचक पूरा गर्ने प्रतिवद्धता व्यक्त गर्नुभयो ।

पाठकले आई एस ओ प्राप्त सम्झौता मात्रैले सफलता प्राप्त नहुने भन्दै सम्झौता लाई सार्थकता मिल्ने गरि काम गर्ने प्रतिबन्धतामा जोड दिनुभयो ।
वडाका जनप्रतिनिधि, आइ एस ओ का अन्य प्रतिनिधि, पत्रकार लगायतको उपस्थितिमा भएको कार्यक्रमको सहजिकरण वडा सचिव कृष्ण बहादुर क्षत्रीले गर्नुभएको थियो ।
तिलोत्तमा नगरपालिकाले २०७८ सालमै अन्तर्राष्ट्रिय गुणस्तर आई एस ओ प्राप्त गरिसकेको थियो ।