गुल्मीको छल्दी खोलाले बगाएर एकजना पुरुषको मृत्यु भएको छ ।इस्मा गाउँपालिका वडानम्बर–१ राहले निवासी ५३ वर्षका मानबहादुर कुमालको मृत्यु भएको जिल्ला प्रहरी कार्यालय गुल्मीले जानकारी दिएको छ।
बुधबार रातिदेखि परिवारको सम्पर्कमा नरहेका कुमाल शुक्रबार बिहान इस्मा–२ छल्दी खोला किनारमा मृत फेला परेका थिए । स्थानीय माछा मार्नेले शव देखेपछि प्रहरीलाई खबर गरेका थिए ।शव पोष्टमार्टमका लागि तम्घास पठाएको छ ।
प्रकाशित : २०८२ भाद्र ६, शुक्रबार ११:४२
