नेकपा एमालेकाे कपिलवस्तु क्षेत्र नं. ३ प्रतिनिधिसभा निर्वाचन क्षेत्रीय समन्वय कमिटीको बैठक सम्पन्न भएको छ । बैठकबाट प्रतिनिधिसभा सदस्यका लागि उम्मेदवारको नामावली प्रस्ताव गरिएको छ ।
सम्पन्न बैठकले प्रतिनिधिसभा सदस्यका लागि नेत्रराज अधिकारी, अकबाल अहमद शाह, सेराज अहमद फारुकी र मिना कुमारी परियारको नाम प्रस्ताव गर्ने निर्णय गरेको हो । क्षेत्रीय समन्वय कमिटीका संयोजक सि. बी. गहतराजले बैठकले उक्त नामहरू सर्वसम्मत रूपमा प्रस्ताव गरेको जानकारी दिनुभयो ।
बैठकमा आगामी निर्वाचनको तयारी, संगठनात्मक गतिविधि तथा उम्मेदवार छनोट प्रक्रियाका विषयमा विस्तृत छलफल गरिएको थियो। सहभागी सदस्यहरूले समावेशी प्रतिनिधित्व सुनिश्चित गर्दै क्षेत्रको समग्र विकासलाई प्राथमिकतामा राखेर उम्मेदवारको नामावली प्रस्ताव गरिएको बताएका छन् ।
प्रस्तावित उम्मेदवारहरूको नाम अब पार्टीको उच्च तहमा सिफारिसका लागि पठाइने जनाइएको छ । साथै बैठकले आगामी दिनमा निर्वाचन केन्द्रित गतिविधिहरूलाई थप प्रभावकारी बनाउने निर्णय समेत गरेको छ।
बैठकलाई नेकपा एमाले केन्द्रीय कमिटी सदस्य शिव कुमारी चौधरी, एमाले नेता सुशील कुमार श्रीवास्तव, सराज अहमद फारुकी, साधु राम खनाल, नेत्रराज अधिकारी, अर्जुनकुमार के.सी., लंक बहादुर हमाल, गोपाल बहादुर थापा, मिना कुमारी परियार लगायतले सम्बाेधन गरेका थिए ।
