दाङ । लुम्बिनी प्रदेश सभामा आज पनि विनियोजन विधेयकका सिद्धान्त र प्राथमिकतामाथि छलफल हुदैछ । लुम्बिनी प्रदेश सभाको आठौं अधिवेशनअन्तर्गत आज बस्ने चौथो बैठकमा विनियोजन विधेयक, २०८३ का सिद्धान्त र प्राथमिकता माथिको छलफल जारी रहने भएको हाे ।

आज शनिबार दिउँसो १ बजे बस्दै गरेको बैठकमा ‘लुम्बिनी प्रदेश सरकारको विनियोजन विधेयक, २०८३ का सिद्धान्त र प्राथमिकता’माथि प्रदेश सभा सदस्यहरूबीच छलफल हुने भएको छ ।

शुक्रबार पनि १० जना प्रदेश सभा सदस्यले छलफलमा भाग लिएका थिए । बैठकमा प्रदेश सभा सदस्यहरूले शून्य समयमा समसामयिक विषयमा आफ्ना धारणा राख्ने कार्यसूचीमा समावेश रहेको छ ।