हरि शर्मा
परासी चैत ः उर्जा जलस्रोत तथा सिँचाई मन्त्री पम्फा भुसालले पेट्रोलियम पदार्थमा भइरहेको मूल्यवृद्धी घट्न नसक्ने बताएकी छन् ।
पश्चिम नवलपरासीको सुनवलस्थित सूर्यवस्तीमा निर्माण सम्पन्न भएको बुटवल–बर्दघाट २२० के.भी. प्रसारण लाईन तथा २२०÷१३२ के.भी. न्यू बुटवल सव स्टेशनको उद्घाटन गर्न बिहीबार त्यहाँ पुगेकी मन्त्री भुसालले सो कुरा बताएकी हुन् । अन्तराष्ट्रिय रुपमै पेट्रोलियम पदार्थको मूल्यवृद्धी भएकाले त्यसलाई घटाउनु भनेर भनि राख्ने विषय नभएको बताएइकी हुन् । ‘ मूल्यवृद्धि नकरात्मक परिघटना हो । यसले भान्सादेखि यातायातलगाएत सबै क्षेत्रमा महङ्ी बढाएको छ । यसबाट जुध्न सबै क्षेत्रले विद्युतलाई नै विकल्पकका रुपमा लिन जरुरी छ ।’ उनले भनिन् । अहिले पनि पेट्रोल ÷ डिजलमा ३२ र एलपी ग्यासमा ६ सय रुपैयाँ घाटा व्यहोर्नु परेको उनले सुनाईन् । ‘ मूल्यवृद्धि घटाउनुस भनेर भनि राख्ने विषय होइन् । पेट्रोलियम पदार्थभन्दा विद्युत प्रयोगले ४० प्रतिशत भन्दाबढी मूल्य कम हुन्छ । त्यसैले महङीको सुरक्षित उपाएको विकल्पक नै विद्युत हो । ’ उनले भनिन् । विद्युतका ग्रिड नपुगेका ठाउँमा २ वर्षभित्र पुग्ने गरी काम अघि बढी रहेको उनले जानकारी दिइन् । विद्युतलाई व्यापारका रुपमा अघि बढाउन नेपाल–भारत अन्र्तदेशिय विद्युत प्रसारणको काम पनि अघि बढीरहेको उनले बताईन् ।
यहाँ निर्माण भएको सव स्टेशनले कुश्मा सव स्टेशन, भरतपुर सव स्टेशन, बुटवल सव स्टेशन र बर्दघाट सव स्टेशनलाई जोडेको छ ।
यो सव स्टेशन कुल १ अर्ब ८ करोड रुपैयाँमा निर्माण सम्पन्न गर्ने गरी सम्झौता गरेपनि १ अर्ब ५ करोड रुपैयाँमा काम सम्पन्न भएको आयोजनाले जानकारी दिएको छ । सवस्टेशनको निर्माण कार्यको जिम्मेवारी भारतीय ठेकेदार कम्पनी श्री टाटा प्रोजेक्ट्स लि. इन्डिया कम्पनीलाई दिइएको थियो । एशियाली विकास बैंकको सहुलियपूर्ण ऋण तथा नेपाल सरकार र नेपाल विद्युत प्राधिकरणको संयुक्त लगानीमा सव स्टेशनको निर्माण कार्य सन २०१७ को नोभेम्बरबाट स्टेशनको काम सुरु भएको थियो ।