श्रावण १० । नेकपा माओवादी केन्द्रका अध्यक्ष पुष्पकमल दाहाल प्रचण्ड ५ दिनका लागि जापान जाने भएको छन् । प्रचण्डको सचिवालयका अनुसार भ्रमण दलमा प्रचण्डसहित चारजना रहनेछन् । नेपाली जनप्रगतिशील मञ्चको कार्यक्रममा सहभागी हुन प्रचण्ड साउन २१ गते ५ दिनका लागि जापान जाने हुनुभएको हो ।
सचिवालयका अनुसार भ्रमणका क्रममा प्रचण्डले जापानँस्थित प्रवासी नेपालीहरुसँग अन्तरक्रिया गर्ने र साउन २२ गते जनप्रगतिशील मञ्चको अन्तरक्रियामा भाग लिनुहुनेछ । प्रचण्डले त्यसपछि जापानमा रहेका प्रवासी माओवादीको संगठनका सदस्यहरुसँग छलफल गर्नुहुने र प्रवासी नेपालीहरुसँग पनि भेटघाट गर्ने सचिवालयले जानकारी दिएको छ । भ्रमणका क्रममा प्रचण्डले जापानको विकासबारे अध्ययन गर्ने र कृषिमा जापानले भित्राएको नयाँ प्रविधिको पनि अवलोकन गर्ने कार्यसूची रहेको छ । प्रचण्ड साउन २५ मा नेपाल फर्कनुहुने स्रोतले बताए ।
