काठमाडौं ।
सत्ता साझेदार दलले निर्वाचन नजिकिए संगै सिट बाँडफाँटको टुंगो लगाउन निकै रस्साकस्सी गरेपनी अझै सकेको छैन। हिजो बसेको सत्ता गठबन्धनको शीर्ष नेताको बैठकमा यसबारे गहन छलफल भएको बताइए पनि निष्कर्ष निस्किएको छैन । बैठक फेरि बस्दै छ । आजको बैठक निर्णायक हुने बताइएको छ ।
आगमी ४ मंसिरमा हुन गईरहेको प्रतिनिधिसभा र प्रदेशसभा निर्वाचनका लागि सिट वाँडफाँटका लागि जारी प्रयासलाई टुंगोमा पुरयाउनका लागि कार्यदलको बैठक आज पनि बस्न लागेको हो ।
यसअघिको बैठकमा नेपाली कांग्रेसले एक सय, नेकपा (माओवादी केन्द्र)ले ६०, नेकपा (एकीकृत समाजवादी)ले ४०, जनता समाजवादी पार्टी नेपालले ३२ र जनमोर्चाले दुई सिटको दाबी गरेका थिए । यो विषयमा शीर्ष नेतासहितको बैठकमा नियमित छलफल हुँदै आएको छ ।
प्रकाशित : २०७९ भाद्र १६, बिहीबार ११:५३
