रुपन्देहीको कञ्चन गाउँपालिकाका जनप्रतिनिधिहरुले कार्यभार सम्हालेको एक सय दिन पूरा भएको छ । गत बैशाख ३० गते भएको स्थानिय निर्वाचनबाट जनप्रतिनिधिको भूमिकामा आएका कन्चनका जनप्रतिनिधिले पहिलो एक सय दिनलाई उपलब्धिका रुपमा लिएका छन । कञ्चन गाँउपाालिका अध्यक्ष नवराज ढकालले आफूले निर्वाचनमा गरेको प्रतिवद्धता अनुसार अहिले एक सय दिनको कामको प्रगतिले आफूलाई उत्साहित बनाएको बतउनु भएको छ ।अध्यक्ष ढकालले निर्वाचित भएपछि सबैभन्दा पहिले कन्चनको प्रमुख समस्याको रुपमा रहेको सुकुम्वासी समस्या समाधान गर्ने प्रतिवद्धता जनाउनु भएको थियो । चुनावमा गरेको प्रतिवद्धता अनुसार सपथ लिएर कार्यभार सम्हाले लगत्तै काठमाण्डौं पुगेर राष्ट्रिय भूमि आयोगसंग सम्झौता गरी काम समेत अघि बढाउनु भएको थियो । स्थानिय निर्वाचनको सय दिन पुरा भएको बिषयमा कुराकानी गर्दै अध्यक्ष ढकालले सो कुरा बताउनु भएको हो ।
गाउँपालिका अध्यक्ष ढकालले सुकुम्वासी समस्या समाधानको पहिलो प्राथमिकता संगै शिक्षालाई दोश्रो प्राथमिकता र कृषिलाई तेश्रो प्राथमिकतामा राखेर काम गरेको बताउनु भएको छ । जि।सी।संग साझा बहसमा कुराकानी गर्दै अहिले कन्चनमा जग्गा नापजाँचको काम करिव सम्पन्न भएको बताउनु भयो । साथै कन्चनको शिक्षालाई गुणस्तरीय बनाउन पहल भैरहेको र शिक्षामा आमूल परिवर्तन गर्ने प्रतिवद्धता जनाउँदै शिक्षासंगै कृषि दोश्रो प्राथमिकतामा परेको बताउनु भएको हो । कञ्चन गाउँपालिकाका ९० प्रतिशत जनताको प्रमुख श्रोत कृषि भएको बताउदै । यहाँका स्थानीय जनताले कृषि र पशुपालनलाई जीविकोपार्जनको प्रमुख आधार बनाएका छन । कन्चनमा सिंचाईको राम्रो सुविधा नभएका कारण कृषकहरुले समस्या भोग्दै आएको अव सतह सिंचाईको राम्रो प्रवन्ध गरेर कन्चनलाई कृषिमा अब्बल बनाउने प्रतिवद्धता समेत अध्यक्ष ढकालले जनाउनु भयो । यस अघिका पालिकाले स्यालो र डिप ट्यूववेललाई प्राथमिकतामा राखेर काम गरेता पनि त्यो प्रभावकारी नभएपछि सतह सिंचाईलाई पालिकाले यसपटक प्राथमिकता राखेर जाने बताउदै । स्यालो र डिप ट्यूवेलको विकल्पमा सतह सिंचाई प्रभावकारी हुने बताउँदै अध्यक्ष ढकालले आगामी दिनमा सतह सिंचाईलाई प्राथमिकतामा राखेर काम अघि बढाउने बताउनु भयो ।
