कार्तिक २६ ।
दिनेश घिमिरे कञ्चन –
रुपन्देहीको क्षेत्र नं. ५ मा आसन्न प्रतिनिधिसभा निर्वाचनमा नेकपा एमालेका बासुदेव घिमिरे र नेपाली काँग्रेसका भरत शाहबीच कडा प्रतिस्पर्धा हुने देखिएको छ । यहाँ घिमिरे र शाहका अतिरिक्त जनमत पार्टीका साथैं स्वतन्त्र उम्मेदवारहरु पनि प्रतिनिधिसभा सदस्य पदको लागि चुनावी मैदानमा छन् उनिहउनिहरुले काडा टक्कर दिरहेका छन । उम्मेदवारहरु आ–आफ्ना चुनावी एजेण्डा लिएर मतदाताको घरदैलोमा पुगेका छन् । शिक्षा, स्वास्थ्य, पूर्वाधार विकासलाई उम्मेदवारहरुले मुख्य चुनावी एजेण्डा बनाएका छन् ।
नेकपा एमालेले जनता समाजवादी पार्टी (जसपा) र राष्ट्रिय प्रजातन्त्र पार्टी (राप्रपा) सँग चुनावी तालमेल गरेको छ भने काँग्रेससँग माओवादी, नेकपा (एस), राष्ट्रिय जनमोर्चा चुनावी गठबन्धनमा रहेका छन् । क्षेत्र नं. ५ का बासिन्दाले तीव्र परिवर्तन र नयाँ सोंच भएको जनप्रतिनिधि चाहेकाले त्यो अपेक्षा आफूले पूरा गर्न सक्ने एमाले उम्मेदवार घिमिरेले बताउँछन् । यहाँ पटकपटक काँग्रेस उम्मेदवार शाहले जित निकाल्दै आएको क्षेत्र हो यो । तर, उम्मेदवार शाह गठबन्धनका कारण आफ्नो जीत सहज भएको दाबी गर्छन् । तीन पटक संसदीय जीत निकालेका शाहलाई मुलुकमैं सफल जनप्रतिनिधिको छवि बनाएका घिमिरेले कडा चुनौती दिएका छन् । एमाले उम्मेदवार घिमिरे नगर प्रमुख हुँदा गरेका कामका कारण रुपन्देहीको तिलोत्तमा मुलुककैं नमूना नगरपालिका बन्न सफल भएको थियोे । उम्मेदवार घिमिरेले विगतको अनुभवको आधारमा सिंगो क्षेत्र नं. ५ लाई नमूना बनाउने बताउँदै मतदातासँग मत मागेका छन् ।
यस्तै निवर्तमान सांसद भरतकुमार शाहाले क्षेत्र न पाँचमा आफुले सडक भौतिक संरचनामा उल्लेखनीय बिकासगरेको बताउदै आफैले जित्ने बताउदै आएकाछ्न । वैशाखमा सम्पन्न स्थानीय तह निर्वाचनमा प्राप्त मतको आधारमा क्षेत्र नं. ५ मा एमाले, जसपा र राप्रपाको प्यानल बलियो देखिएको छ । यहाँका ३२ वटा वडामा वडाध्यक्षलाई खसेको मतको आधारमा एमाले, जसपा र राप्रपा काँग्रेस गठबन्धनभन्दा केहि मतले अगाडि देखिन्छ । यहाँ एमाले एक्लैको मत २७ हजार १४५ प्राप्त गर्दा काँग्रेसको २६, ८८८ रहेको छ । यस्तै जसपाको ९, ३३७, माओवादीको ४, ६२५, लोसपाको ३,५५६, राप्रपाको २, ८१३, नेकपा (एस) को १, १६३ छ भने जनमत पार्टीको मत ५, ६५६ रहेको छ ।
