बुटवल । नेपाल कम्युनिष्ट पार्टी (एमाले) का नेता हरि रिजालले पार्टीलाई नयाँ शिराबाट अगाड बढाउन प्रदेशको नेतृत्वमा दावी गरेको बताएका छन् । भदौ १६ र १७ गते हुने प्रथम प्रदेश अधिवेशनमा अध्यक्षको उम्मेदवारी घोषणा गर्नुभएका नेता रिजालले भने, ‘मेरो उम्मेदवारी पार्टीलाई वैचारिक र सांगठनिक ढंगले अगाडि बढाउनका लागि हो । पार्टीलाई नयाँ शिराबाट अघि बढाउँदा मात्रै पार्टी संगठन चलायमान हुन्छ । चलायमान संगठनले मात्रै पार्टी अघि बढ्न सक्छ । पार्टी निर्माणका लागि मैले यही भदौ १६ र १७ गते हुने प्रथम अधिवेशनका लागि अध्यक्ष पदमा उम्मेदवारी घोषणा गरेको छु ।’

प्रदेशका सम्पूर्ण नेता, कार्यकर्ताको साथ र सहयोगमा आफूले अध्यक्ष पदमा उम्मेदवारी घोषणा गरेको भन्दै अध्यक्षका प्रत्यासी नेता रिजालले पार्टीलाई सशक्त बनाउन आफ्नो उम्मेदवारी रहेको बताए । पछिल्लो समय पार्टीमा बैचारिक नेतृत्वको खडेरी परेको भन्दै कार्यकर्ता पंतिले आफूलाई पार्टी नेतृत्वका लागि अगाडि सारेको बताउँदै उहाँले कार्यकर्ताहरुको मनोभावना अनुसार आफूले उम्मेदवारी घोषणा गरेको बताए । ‘पार्टीमा बैचारिक नेतृत्वको खडेरी प¥यो, जिल्ला नेतृत्वमा तपाईँ अगाडि सर्नुहोस् भनेर बारम्बार प्रदेशका अग्रज, नेता, कार्यकर्ता पंतिले आग्रह गरेपछि उहाँहरुको मनोभावना अनुसार मैले अध्यक्षमा उम्मेदवारी घोषणा गरेको हुँ । कार्यकर्ताहरुबाट राम्रो प्रतिक्रिया आइरहेका छन्’, अध्यक्षका प्रत्यासी नेता रिजालले भने, ‘अग्रज र अनुजको सहयोग र हौसलाबाट म प्रदेशको नेतृत्वमा पुग्ने हो । त्यसैले मेरो उम्मेदवारीका पछाडि अग्रज नेताहरुको हात र साथ रहेको छ भने समकालिन र पछिल्लो पुस्ताका नेता कार्यकर्ताहरुको मतले नै म प्रदेश नेतृत्वमा पुग्ने हुँदा मरो उम्मेदवारीमा अग्रज र अनुजहरु दुवैको साथ र सहयोग रहेको छ ।’

लुम्बिनी प्रदेशको कम्युनिष्ट आन्दोलनलाई उचाइमा पु¥याउन बैचारिक र सफल नेतृत्व आजको आवश्यकता भएको भन्दै नेता रिजालले आफूले पार्टीको केन्द्रीय सदस्य पद छाडेर प्रदेश नेतृत्वमा दावी गरेको बताए । ‘प्रदेशको कम्युनिष्ट आन्दोलनलाई थप उचाइमा पु¥याउन मैले आसन्न प्रथम प्रदेश अधिवेशनमा अध्यक्ष पदको उम्मेदवारी घोषणा गरेको छु’, नेता रिजालले भने ।