हरिआचार्य कपिलवस्तु, पुष १०
जनता समाजावदी पार्टी नेपाल कपिलवस्तुले कपिलवस्तुका १० वटै स्थानिय तहका मुख्य केन्द्रहरुमा पुत्ला दहनसंगै बिरोध प्रर्दशन गरेको छ । प्रतिनिधि सभा विघठनको विषयलाई लिएर जसपा कपिलवस्तुले पार्टीको केन्द्रिय कार्यक्रम अनुसारनै प्रधानमन्त्री केपि ओली शर्मा राष्ट्रपति विद्या देवी भण्डारीको पुत्ला दहन सहित विरोध प्रर्दशन सँगै ¥याली निकालेको थियो ।
सोहि क्रममा पार्टीका केन्द्रिय सदस्य नारायण खनालको नेतृत्वममा जिल्लाको बाणगंगा नगरपालिका चार नम्बर जितपुरमा पनि पुत्ला दहन संगै विरोध सभा गरिएको छ । केपि ओली मुर्दावाद, राष्ट्रपति मुर्दावाद, असंवैधानिक निर्णय खारेज गर लगायतका नारा संगै गरिएको ¥याली पछि कोणसभा गरिएको थियो ।
कोणसभामा जसपा केन्द्रिय सदस्य नारायण खनालले यस अघि निर्वाचनमा जनताले पुर्ण विश्वासका साथ दुई तिहाईको मत दिएर पनि देशलाई समृद्ध तथा जनतालाई खुसी पार्नु त कता हो कता उल्टै संविधान माथि नै नेकपा सरकारले आक्रमण गरेको बताए । केन्द्रिय सदस्य खनालले निर्वाचन भनेको जनता स्वत स्फुर्त रुपमा सहभागि हुने एउटा पर्व भएकाले यसको पनि तयारी, विधि र पद्धति हुने बताए । उनले आन्तरिक विवादका कारण संसद विघटन जस्तो अलोकतान्त्रिक कार्य नेकपा सरकारले गरेकाले देशैभर विरोध प्रदर्शन गर्ने बताए ।
पर्टीका केन्द्रिय सल्लाहकार तथा पुर्व सांसद राम लौटन तिवारीले यस अघि विभिन्न शासन आए पनि नेकपा सरकार जस्तो हस्तक्षेपकारी शासन नभएको बताए । जुन शासन पनि विधि पद्धति अनुसार बढेको भन्दै झन् लोकतन्त्र सहितको संविधान माथि केपी नेतृत्वको सरकारले अपमान गरेको बताए । पुर्व सांसद तिवारीले यो सरकारको कदम विरुद्ध जस्तोसुकै आन्दोलन गर्न तयार रहेको बताए ।
त्यस्तै जसपा लुम्बिनी प्रदेश उपाध्यक्ष डा. अब्दुल रसिद खाँले सरकारको असंवैधानिक कदम प्रति जसपा निरन्तर विरोध गरिरहने बताए । उनले ठुला भनिएका दलहरुले प्रदर्शन गर्दा सुरक्षाकर्मीले केहि नगर्ने जसले दुःखी गरिव, जनताको पक्षमा वकालत गर्छ उसलाईहस्तक्षेप गरेको भन्दै विरोध गरे ।
पर्टी जिल्ला अध्यक्ष शैलेन्द्र यादवले राजनितिक ज्ञान विना पुरानै सत्तावादी नेता केपी ओली र विद्यादेवी भण्डारीले यस देशको लोकतन्त्र, संविधान माथि प्रहार हुने कार्य गरेको बताए । उनले जसपा निर्वाचनबाट डराएको भाग्न खाजेको नभई पार्टी भित्रको आन्तरिक किचलोका कारण जनतालाई धोका दिन नहुने बताए । अध्यक्ष यादवले नेकपाले जनताको अभिमतको अपमान गरेको यो जसपालाई सैह्य नहुने बताउदै घोर भत्र्सना गर्ने बताए ।
कार्यक्रममा पार्टीका जिल्ला, वाणगंगा नगर समिति लगायतको नेता तथा कार्यकर्ताहरुको उपस्थिती रहेको थियो ।
यसैबिच जनता समाजवादी पार्टी नेपाल कपिलवस्तुले पुष ११ र १२ गते पनि जिल्लाका विभिन्न स्थानमा मलाश जुलुस सँगै जनप्रर्दशन गर्ने पनि जनाएको छ । प्रतिनिधि सभाको विघटन असम्बैधानिक र अलोकतान्त्रिक भएको भन्दै जसपाले देशभर विरोधका कार्यक्रम सार्वजनिक गरेको हो ।
