लुदअ बैशाख १५, दाङ
दाङको लमहीमा ट्याक्टर दुर्घटना हुँदा एक जनाको मृत्यु भएको छ। सोमबार बिहान करिब ११ बजे ट्याक्टर पल्टिँदा सोही ट्याक्टरमा काम गर्ने लमही नगरपालिका ५ कोलही निवासी १९ वर्षीय दिनेश चौधरीको मृत्यु भएको वडा प्रहरी कार्यालय लमहीका प्रहरी निरीक्षक प्रज्वल थपलियाले जानकारी दिए।
खोलामा बालुवा अनलोड गरी घर बनाउँदै गरेको स्थानमा पुर्याउने क्रममा आफैँ मजदुरी गर्ने रा१त ३४७० नम्बरको ट्याक्टरको टायरले किचिएर चौधरीको मृत्यु भएको निरीक्षक थपलियाले बताए। शव पोष्टमार्टमका लागि लमही अस्पतालमा राखिएको छ। ट्याक्टर र चालक प्रहरीले नियन्त्रणमा लिएको जनाएको छ।
प्रकाशित : २०७७ बैशाख १५, सोमबार ०९:०५
