महोत्तरीमा रहस्यमय मृत्यु प्रकरण : मृत्यु हुनेको संख्या ६ पुग्यो

लुदअ काठमाडौं, वैशाख १८
महोत्तरीको भंगाहा नगरपालिकामा एक सातायता ६ जनाको रहस्मय मृत्यु भएको छ ।

बिहीबार थप दुई जना स्थानीयको मृत्यु भएसँगै भंगाहा ७ मा एक सातायता मृत्यु हुनेको संख्या ६ पुगेको महोत्तरीका प्रमुख जिल्ला अधिकारी सूर्यबहादुर खत्रीले जानकारी दिए ।

महोत्तरीका प्रहरी उपरीक्षक श्याम अधिकारीका अनुसार बिहीबार स्थानीय ४२ वर्षीय सिकेन्द्र सिंह र ५५ वर्षीय सुकदेव महाराको मृत्यु भएको छ । यसअघि मंगलबार र बुधबार गरी चार जनाको रहस्यमय मृत्यु भएको थियो ।

एक साताभित्रमा ६ जना मृत्यु भइसके पनि उनीहरुको मृत्युको कारण भने पुष्टि भइनसकेको प्रहरीले जनाएको छ । ६ जनाको मृत्यु भइसकेको त्यस गाउँमा उनीहरुको मृत्यु विषाक्त रक्सी सेवनबाट भएको हुनसक्ने आशंका प्रहरीले गरेको छ ।

प्रहरी उपरीक्षक अधिकारीले भने, ‘मृतक दुवै जनाको शवको पोस्टमार्टम गरिएको छ । पोस्टमार्टमपछि मात्रै उनीहरुको मृत्युको कारण खुल्न सक्छ । कोरोना परीक्षणका लागि समेत दुवै जनाको स्वाबको नमुना संकलन गरिएको छ । ‘ अधिकारीका अनुसार उक्त क्षेत्रबाट घरेलु मदिरा उत्पादन गर्ने चार जनालाई नियन्त्रणमा लिएर अनुसन्धान अघि बढाइएको छ ।

Recommended For You

About the Author: Lumbini Darpan Online

Leave a Reply

Your email address will not be published. Required fields are marked *