लुदअ,१७ असोज ।
साविक नेकपा एमालेको जनवर्गिय संगठन मानव अधिकार एलाइन्स र माओवादी केन्द्रको जनवर्गिय संगठन काहुराष्ट बिच एकीकरण भएको छ । एकिकरण पछि संगठनको नाम मानव अधिकार तथा सामाजिक अभियान नेपाल राखिएको छ । यही असोज १६ गते काठमाण्डौमा जुम बैठक मार्फत भएको घोषणा सभाले मिन वहादुर शाही संयोजक र हुकुम बहादुर पोख्रेललाई सहसंयोजक रुपमा चयन गरेको छ ।
मानव अधिकार एलाइन्सका केन्द्रिय उपाध्यक्ष, सामाजिक अभियान्ता तथा मानव अधिकारकर्मी पोमनारायण पौडेल मानव अधिकार तथा सामाजिक अभियान नेपालको एकता घोषणा सभाबाट केन्द्रीय सदस्यमा मनोनित भएका छन् । पौडेल कपिलवस्तु जिल्लामा रहेर विगत लामो समय देखी सामाजिक तथा मानव अधिकारको क्षेत्रमा कृयाशिल रहदै आएका छन् ।
कुशल नेतृत्व, स्पष्ट बक्ता र बिचारका धनी पौडेल अहिले पनी जिल्ला, प्रदेश तथा राष्ट्रियस्तरका थुप्रै संस्थाको नेतृत्व तहमा रहेर काम गरिरहेका छन् । घोषणा सभामा नेपाल कम्युनिष्ट पार्टीका अध्यक्षद्धय प्रधानमन्त्री केपी शर्मा ओली , नेकपा अध्यक्ष पुष्प कमल दाहाल (प्रचण्ड) र नेकपा महासचिव विष्णु पौडेल लगायतले शुभकामना दिएका थिए ।
