लुदअ अर्घाखाँची, चैत २८
अर्घाखाँचीमा ‘लकडाउन’को समयमा काठ तस्करी बढेको छ ।
डिभिजन वन कार्यालय अर्घाखाँचीको वनगस्ती टोलीले लकडाउनको मौका छोपेर वन क्षेत्रमा काठ चोरी गर्नका लागि वनमै रुख ढालेर काटिरहेको केही काठ फेला पारेको छ ।
जिल्लाको शितगंगा नगरपालिका–११, खयरभट्टीमा करिब दुई लाख रुपैयाँ मूल्य पर्ने काठको तस्करी भएको बताइएको छ ।
अन्य काठ भने डिभिजन वन कार्यालय अर्घाखाँचीले नियन्त्रणमा लिएको छ ।
काठ तस्कर फरार रहेको र उनीहरुको खोजी भइरहेको डिभिजन वन कार्यालय अर्घाखाँचीका सहायक वन अधिकृत मोतीराम पौडेलले जानकारी दिए ।
प्रकाशित : २०७६ चैत्र २८, शुक्रबार १०:२८
