(नेकपा) शितगंगा नगर कमिटिद्धारा राहत कोषमा २ लाख १ सय सहयोग

लुदअ अर्घाखाँची, चैत्र २९
नेपाल कम्युनिष्ट पार्टी (नेकपा) शितगंगा नगर कमिटीले शितगंगा नगरपालिकाले स्थापना गरेको प्रकोप ब्यवस्थापन कोषमा २ लाख १ सय रुपिया सहयोग गरेको छ । अहिलेको विषम परिस्थितीमा अति विपन्न र गरिब परिवारहरुका लागी राहत प्रदान गर्न स्थापना गरेको नगर प्रकोप कोषमा (नेकपा) शितगंगा कमिटीले यस क्षेत्रमा रहेका नगर कमिटी तथा जिल्ला कमिटीहरु मार्फत संकलन गरिएको पहिलो चरणको सहयोग स्वरुप उक्त रकम सहयोग गरिएको (नेकपा) नगर कमिटी सचिव मणिराम अधिकारीले जानकारी दिए ।

पार्टीका सदस्य तथा कार्यकर्ताहरु बाट बिपतको बेला अप्ठ्यारोमा परेका नगरबासीको सहयोगको लागि उक्त रकम संकलन गरि सहयोग गरेका हुन् । अप्ठ्यारो अवस्थामा नगरपालिका सँगै सहकार्य गर्दै नगरबासीहरुको उद्धार तथा राहतमा (नेकपा) सधै तयार रहेको नगर कमिटी अध्यक्ष बशन्त श्रेष्ठले बताए ।

साथै अन्य रकम समेत संकलन गरि नगरपालिकाको राहत कोषमा जम्मा गर्ने प्रतिवद्धता ब्यक्त गरे । नगरपालिकाको कार्यालयमा पुगि नगर प्रमुख सुर्य प्रसाद अधिकारीलाइ उक्त चेक हस्तान्त्रण गरिएको हो । (नेकपा) ले जनप्रतिनिधी, नगर कमिटी, जिल्ला कमिटी, सक्रिय सदस्य लगायत सँग सहयोग संकलन गरि राहतको लागि उक्त रकम सहयोग गरेको सचिव अधिकारीले जानकारी दिए ।

चेक हस्तान्त्रण कार्यक्रममा नेकपाका नगर सह इञ्चार्ज कासीराम आचार्य, किरण अधिकारी, नेकपा नेता लक्ष्मण पन्थी कार्यालय सचिव ऋषि घिमिरे लगायतको उपस्थिती रहेको थियो ।

Recommended For You

About the Author: Lumbini Darpan Online

Leave a Reply

Your email address will not be published. Required fields are marked *