लुदअ कपिलवस्तु, साउन २७
सिद्धार्थ क्याम्पस वाणगंगामा अध्ययनरत छात्रा सविना अर्याल वक्तृत्वकला प्रतियोगितामा प्रथम भएकी छन् । राष्ट्रिय युवा दिवस २०७८ को अवसरमा वाणगंगा नगरपालिका शिक्षा, युवा तथा खेलकुद शाखाले आयोजना गरेको उक्त प्रतियोगितामा बीएड तृतीय वर्षमा अध्ययनरत छात्रा अर्याल प्रथम भएकी हुन् ।
“समाज रुपान्तरण र समृद्धिमा युवाहरूको भूमिका“ शिर्षकमा भएको वक्तृत्वकला प्रतियोगितामा अर्यालले प्रथम स्थान हासिल गरेको क्याम्पसले जनाएको छ । नगरपालिका स्तरीय वक्तृत्वकला प्रतियोगितामा नगरभित्रका माध्यमिक स्तरका विद्यालय तथा चार वटा क्याम्पसको सहभागिता थियो । अर्यालले प्रथम स्थान हासिल गरेकोमा क्याम्पस परिवारले बधाई दिदैं शैक्षिक क्षेत्रमा उत्तरोत्तर प्रगतिको शुभकामना व्यक्त गरेको छ ।
त्यस्तै उक्त प्रतियोगितामा हतौसा लिटिल स्टारका रामकृष्ण अधिकारी द्धितीय, , हेमराज मावि हतौसाकी अर्चना आचार्य तृतीय र लुम्बिनी भिजन कलेजका अनिस अधिकारीले सान्त्वना स्थान हासिल गरेको नगरपालिकाले जनाएको छ । नगरपालिकाले दिएको जानकारी अनुसार भोलि विहीबार विजेतालाइ पुरस्कार वितरण गरिने छ ।
