राष्ट्रिय युवा संघ नेपाल कपिलवस्तुद्वारा आयोजित वडा स्तरीय भेला बाणगंगा नगरपालिका–६ मा सम्पन्न भएको छ। आगामी प्रतिनिधिसभा निर्वाचन २०८२लाई लक्षित गर्दै आयोजित उक्त भेलाले चुनावी अभियानलाई वडा तहसम्म सशक्त बनाउने प्रतिबद्धता व्यक्त गरेको छ।
भेलाको अध्यक्षता युवा परिचालन समिति संयोजक हुम बहादुर घर्ति मगरले गर्नुभएको थियो भने प्रमुख अतिथिका रूपमा नेपाल कम्युनिष्ट पार्टी (एमालें) लुम्बिनी प्रदेश सदस्य धर्मराज भुषाल उपस्थित हुनुहुन्थ्यो। कार्यक्रममा जिल्ला कमिटी सचिवालय सदस्य तथा युवा इन्चार्ज तेजेन्द्र बहादुर पाण्डे विशिष्ट अतिथि रहनुभएको थियो। त्यसैगरी जिल्ला कमिटी सदस्य तथा वडा सहइन्चार्ज हुमनाथ भट्टराई, जिल्ला कमिटी सदस्य थानेश्वर अधिकारी, नगर कमिटी सचिवालय सदस्य सुकदेव थारु र नगर कमिटी सदस्य लेम बहादुर गुरुङलगायतको आतिथ्यता रहेको थियो।
भेलाले कपिलवस्तु क्षेत्र नं। १ का प्रतिनिधिसभा उम्मेदवार विश्राम प्रसाद चौधरीलाई भारी मतका साथ विजयी गराउने प्रतिबद्धता जनाएको छ। वक्ताहरूले युवा शक्तिलाई संगठित र परिचालित गर्दै निर्वाचनमा सक्रिय भूमिका निर्वाह गर्न आह्वान गरेका थिए।
भेलाबाट वडा स्तरीय राष्ट्रिय युवा संघ नेपाल गठन गरिएको छ। जसअनुसार संयोजकमा केशव बस्नेत र सह–संयोजकमा हुम बहादुर घर्ति मगर चयन हुनुभएको छ। साथै, निर्वाचन केन्द्रित गतिविधि प्रभावकारी बनाउन बुथ कमिटीसमेत गठन गरिएको जनाइएको छ।
