हरि आचार्य, कपिलवस्तु
कपिलवस्तुका क्रियाशिल पत्रकारहरुलाई आधारभुत आँखा स्वास्थ्य तालिम प्रदान गरिएको छ । नेपाल नेत्र ज्योति संघ आँखा स्वास्थ्य कार्यक्रम राप्ती तथा बहादुरगंज अन्तर्गत छन्द (कालेबाबु) नारायणि आँखा अस्पताल बहादुरगंजको आयोजना रहेको तालिममा र एन.ए.बि.पि.को आर्थिक सहयोग रहेको थियो ।
कार्यक्रमका प्रमुख अतिथि नेपाल नेत्र ज्योति संघका केन्द्रिय सदस्य, दाङ जिल्ला सभापति तथा आँखा अस्पताल विकास समितिका अध्यक्ष कृष्ण कुमार गिरीले अन्धोपना न्युनिकरणका लागि यस कार्यक्रमले ठुलो भुमिका खेलेको बताए । कोहि पनि नागरिक अन्धोपनाका कारण जिवन अन्धकार नबनोस् भन्ने उद्देश्यले कार्यक्रम सञ्चालन गरिएको बताए । विगत ३० औँ बर्ष देखि आँखा सम्बन्धी विभिन्न प्रशिक्षणमुलक कार्यक्रम सञ्चालन गर्नका लागि सहयोग गर्ने दातृ निकायहरुलाई धन्यवाद दिएका थिए । उनले स्थानीय, प्रदेश तथा संघिय सरकारले अहिले सम्म अन्धोपन न्युनिकरणका लागि कुनै पनि सहयोग नगरेकाले सञ्चारकर्मीको कलमले सहयोग हुने अपेक्षा समेत व्यक्त गरे ।
२०३५ सालमा स्थापना भएको नेपाल नेत्र ज्योति संघले राप्ती, लमही र बहादुरगंजमा सञ्चालन गरिएका आँखा उपचार केन्द्रबाट २ लाख जनाको मोतिया बिन्दु सर्जरी र ३० लाख जनालाई ओपिडि सेवा मार्फत उज्यालो देखाएको सुचना अधिकारी बालारम खड्काले बताए ।देशको चौथो अंगको रुपमा सञ्चारकर्मी रहने भएकाले यस तालिमले अन्धोपना न्युनिकरणका लागि अहम भुमिका खेल्ने बताए ।
तालिममा विश्वमा ५ सेकेण्डमा १ जना व्यक्ति र नेपालमा हरेक दिन १ सय २५ जना व्यक्तिहरु दृष्टिबिहिन हुने गरेको तथ्यांक रहेको र समयमै उपचार पायो भने ८० प्रतिशत निको हुने बताईएको थियो । तालिमका प्रमुख प्रशिक्षक बाह्य कार्यक्रम संयोजक ओपेन्द्र चन्दले आँखाका भागहरु, आँखा सम्बन्धी रोगका प्रकार, आँखा स्वस्थ राख्न अपनाउनुपर्ने उपायहरुको बारेमा स्पष्ट पारेका थिए ।
तालिममा अस्पतालका प्रमुख प्रशासकिय अधिकृत शमशेर थापा, प्रशासकिय अधिकृत जसराज विश्वकर्मा लगायत एन.ए.बि.पि.का प्रतिनिधि, पत्रकार महासंघ कपिलवस्तुका अध्यक्ष किरणमान बज्राचार्य, सचिव जानु पाण्डे लगायत जिल्ला क्रियाशिल पत्रकारहको उपस्थिती रहेको थियो ।
