मानवअधिकार तथा शान्ति समाज कपिलवस्तुले एक कार्यक्रमका बिच नव निर्वाचित जिल्ला कमिटिको पदभार कार्यक्रम सम्पन्न गरेको छ । सोकार्यक्रममा नवनिर्वाचित पन्ध्र सदस्यहरु लगायत विभिन्न विभागका सदस्यहरुलाई निर्वाचन समितिका संयोजक रविराज आचार्य ले शपथ ग्रहण सहित पदभार गराउनुभएको छ । दोस्रो अधिवेशनका निर्वाचन समितिका संयोजक रविराज आचार्यको अध्यक्षता तथा वाणगंगा नगरपालिकाका नगर प्रमुख मंगल प्रसाद थारुको प्रमूख आतिथ्यमा सम्पन्न कार्यक्रममा बोल्दै नगर प्रमुख मंगल प्रसाद थारु ले मानव अधिकार तथा शान्ति समाज पवित्र सेवामुलक संस्था भएकाले यसलाई नगरको तर्फबाट तथा व्यक्तिगत तवरबाट सक्दो सहयोग गर्ने जनाउनुभयो ।

पदभार ग्रहण पश्चात नवनिर्वाचित सभापति गोविन्द पोख्रेल आफ्ना भनाइ राख्दै मानवअधिकार तथा दिगो शान्तिका लागी मानव अधिकार तथा शान्ति समाज कपिलवस्तु सदैव अग्रपंतिमा रहेर काम गर्ने प्रतिवद्धता व्यक्त गर्नुभयो । पदभार ग्रहण कार्यक्रम पश्चात समितिको पहिलो वैठक बसेर महत्वपूर्ण निर्णयहरु गर्दै पूर्व कार्यसमितिका सदस्यहरुलाई सम्मान समेत गरेको संस्थाका नव निर्वाचित सचिव माधव घिमिरे ले बताउनु भयो ।