माघ २, दाङ
दाङको तुलसीपुरमा एकैरातमा ११ पसलमा चोरी भएको छ ।
तुलसीपुर बजारको सल्यान रोडमा रहेका ११ ओटा किराना पसलमा चोरी भएको प्रहरीले जनाएको छ ।
प्रहरीका अनुसार पसलबाट नगद, रिचार्ज कार्ड, रक्सी लगायत चोरी भएको छ ।
चोरले पौडेल किरान पसल, जुगार एण्ड बुढागाउँ इलेक्ट्रोनिक्स सप्लायर्स, भाग्यलक्ष्मी कन्सर्न,न्यु पञ्चकोसी इन्टरप्राइजेज लगायतका पसलका ताला फोडेका छन् ।
प्रहरीले ताला फोड्न प्रयोग गरिएको दुई थान सरिया समेत फेला पारेको छ ।
इलाका प्रहरी कार्यालय तुलसीपुरको टोलीले क्षतिबारे विवरण सङ्कलन गर्दै अनुसन्धान थालेको छ ।
प्रकाशित : २०७८ माघ २, आईतवार १४:०२
