लुदअ, कपिलवस्तु
नेपाली कांग्रेस विपी जिल्ला कार्य समिति कपिलवस्तु राप्रपामा समायोजन भएको छ । बाणगंगाको जितपुरमा आयोजित एक कार्यक्रमका विच सम्पूर्ण नेपाली कांग्रेस विपी जिल्ला कार्य कपिलवस्तु राप्रपामा समायोजन भएको हो । नेपाली कांग्रेस विपीका केन्द्रिय सदस्य डाक्टर माधव पन्थी, गोपाल पोख्रेल, माधव पोख्रेल, सुरज आचार्य, जिल्ला उपाध्यक्ष भोजराज आचार्य, ईश्वरी खनालसहितको सम्पूर्ण टिम राप्रपामा समायोज भएको राप्रपा कपिलवस्तुले जनाएको छ ।
नवप्रवेशीहरुलाई राप्रपाका केन्द्रिय सदस्य ध्रुब रायमाझी, जिल्ला अध्यक्ष नारायण बहादुर सिंह लगायतले स्वागत गर्नुभएको हो । कार्यक्रमलाई सम्बोधन गर्दै राप्रपाका केन्द्रिय सदस्य रायमाझीले नेपाली कांग्रेस विपीका केन्द्रिय सदस्यसहितको टोली राप्रपामा समायोज भएसंगै जिल्ला पार्टी थप मजबुत भएको दाबी गर्नुभयो । उहाँले राप्रपाप्रति जनताको आकर्षण थप बढ्दै गएको र पार्टी प्रवेशको लहर चलिरहेको बताउनुभयो ।
केन्द्रिय सदस्य रायमाझीले यही चैत्र १६ गते राप्रपाका अध्यक्ष राजेन्द्र लिङ्देन कपिलवस्तु आउने कार्यक्रम तय भएपछि त्यसको लागी तयारी तीब्र रुपमा अघि बढिरहेको बताउनुभयो । केन्दिय सदस्य रायमाझिले पार्टिको गत महाधिवेशनपछि नेतृत्व र पार्टीप्रति आम मानिसमा आशा जागेको बताउनुभयो ।
