हरि आचार्य, कपिलवस्तु
नेपाल कम्युनिष्ट पार्टी (एमाले) का केन्द्रिय सदस्य गिरधारिलाल न्यौपानेले एमालेले कुनै दलसंग नभई जनतासंग गठबन्धन गर्ने बताउनुभएको छ । एमाले कपिलवस्तु जिल्ला कमिटिको चौथो पुर्ण बैठकलाई सम्बोधन गर्दै नेता न्यौपानेले एमालेले निर्वाचनमा हार्ने डरले कुनै दलसंग गठबन्धन नगरी देशभरका ३ करोड जनतासंग गठबन्धन गर्ने बताउनु भएको हो ।
पार्टीका कृषि तथा पशुपक्षि विभाग प्रमुख समेत रहनुभएका न्यौपानेले निर्वाचनमा हार्ने डरले सत्ता र कुर्चीको लोभमा गरिएको ५ दलीय गठबन्धन उद्देश्य बिहिन र गन्तब्य हिन रहेकाले त्यो जनताले बुझिसकेको बताउनुभयो । केन्द्रिय सदस्य न्यौपानेले देशको सबै भन्दा ठुलो पार्टी एमाले कसैसंग गठबन्धनबाट होइन ३ करोड नेपाली जनतालाई विश्वासमा लिएर निर्वाचनमा जाने बताउनु भयो । उहाँले ब्यक्ति केन्द्रित नभई पार्टी केन्द्रित सूर्य चिन्हलाई देशैभर फहराउनका लागि सबै केन्द्रित हुनुपर्ने बताउनुभयो ।
नेता न्यौपानेले जनलहर एमालेको पक्षमा रहेको जिकिर गर्दै अब पार्टी, जनवर्गीय संगठन, कार्यकर्ता सबै जना स्थानीय तहको निर्वाचन केन्द्रित हुन आवश्यक रहेको बताउनुभयो ।
