हरि आचार्य, कपिलवस्तु
नेपाली कांग्रेसको जनवर्गीय संगठनको महत्वपुर्ण जिम्मेवारी सम्हाल्नुभएका युवा राजु अर्याल एमालेमै फर्किनुभएको छ । तरुणदलका बाणगंगा नगर कमिटि सचिव अर्याल पार्टीमा प्रवेश गरेसंगै राष्ट्रिय युवा संघ नेपालको सदस्यता पनि लिनुभएको राष्ट्रिय युवा संघ नेपाल जिल्ला अध्यक्ष कमल क्षेत्रीले बताउनुभएको छ ।
युवाहरुलाई समावेश गर्दै अगाडि बढ्ने पार्टी एमाले र जनवर्गीय संगठन राष्ट्रिय युवा संघ नेपाल भएकोले एमाले पार्टी रोजेको अर्यालले बताउनुभयो । राष्ट्रिय युवा संघ नेपाल जिल्ला कमिटिका अध्यक्ष कमल क्षेत्रीले अर्याललाई स्वागत गर्दै पछुताउनु नपर्ने बताउनुभयो ।
त्यस्तै राष्ट्रिय युवा संघ नेपालका बाणगंगा नगर कमिटि अध्यक्ष कमल घिमिरेले अर्याललाई स्वागत गर्दै धन्यवाद व्यक्त गर्नुभयो ।
प्रकाशित : २०७९ बैशाख १६, शुक्रबार २२:०६
