हरि आचार्य, कपिलवस्तु
राष्ट्रिय युवा संघ नेपाल कपिलवस्तुका जिल्ला कमिटि सदस्य सुवास पाण्डेले आसन्न स्थानीय निर्वाचनमा एमालेका उम्मेद्वारहरुको जित निश्चित रहेको बताउनुभएको छ । राष्ट्रिय युवा संघ नेपाल निर्वाचन परिचालन कमिटि बाणगंगाका सह संयोजक समेत रहनुभएका युवा नेता पाण्डेले समग्र कपिलवस्तुको विकासका लागि एमालेको विकल्प नरहेको बताउनुभयो ।
बैशाख ३० गते हुने स्थानीय तहको निर्वाचनमा बाणगंगा नगरपालिका वडा नं. ४ का वडाध्यक्ष पदका उम्मेद्वार छवि रेश्मी लगायतको टिमलाई विजयी गराउन लागि पर्नुभएका युवा नेता पाण्डेले यस वडालाई एमालेको लालकिल्ला बनाएरै छाड्ने प्रतिवद्धता व्यक्त गर्नुभयो । नेकपा एमालेको तर्फबाट वडाध्यक्ष पदका उम्मेद्वार छवि रेश्मी चुनावी मैदानमा उत्रीनुभएको छ ।
पाण्डेले सिद्धिपुर युथ सोसाईटिका अध्यक्षको जिम्मेवारी सम्हाल्नुभएको छ भने शिवम् विल्डर्स प्रालिका सञ्चालक रही संयौ युवाहरुलाई रोजगार प्रदान गर्दै युवाहरुमाझ लोकप्रिय व्यक्तित्वको रुपमा परिचित हुनुहुन्छ । नेपाल नियमित रक्तदाता संघ कपिलवस्तुका उपाध्यक्ष लगायत अन्य सामाजिक संघ संस्थामा रही समाजसेवा सक्रिय रहदै आउनुभएको छ ।
युवा नेता पाण्डेले बाणगंगा नगरपालिका वडा नं. ४ मा एमालेलाई हार्ने छुट नरहेको बताउँदै पार्टीलाई अप्ठ्यारो परेको खण्डमा आफु सदैव तत्पर रहने र एमालेका उम्मेद्वार प्रति सबैको साथ र सहयोग रहेकाले सबै युवाहरुलाई धन्यवाद व्यक्त गर्नुभएको छ । साथै उहाँले निर्वाचनमा जिल्लाका १० वटै स्थानीय तहमा एमालेका उम्मेद्वारलाई जिताउन युवाहरुको सक्रियता प्रशंसनीय रहेको र अझै तदारुकताका साथ लाग्नुपर्नेमा जोड दिनुभएको छ ।
