लुदअ कपिलवस्तु, वैशाख २४
नेकपा (एमाले) का केन्द्रिय लेखा आयोगका उपाध्यक्ष एवम् लुम्बिनी प्रदेश सभा सदस्य विष्णु पंथीले विकासको पर्यायवाची एमाले भएको दावी गर्नु भयो । प्रदेश सभा सदस्य पंथीले विकासका मामलामा एमालेसंग कसैले प्रतिस्पर्दा गर्न नसक्ने तर्क गर्दै एमाले सरकारको पालाबाट स्थानिय तहमा ३ लाख बजेटबाट शुरु गरिएको आफ्नो गाउँ आफै बनाउ अभियान अहिले आएर अर्वको बजेट पुगेको दावी गर्नु भयो ।
नेता पंथीले अहिले देशनै एमालेमय बनेको तर्क गर्दै वैशाख ३० गते हुने स्थानिय तहको निर्वाचनमा बाणगंगामा एमालेका उम्मेद्वारले विजय हासिल गर्ने दावी गर्नु भयो । प्रदेश सभा सदस्य पंथीले छोटो समयमै वाणगंगाले प्रदेशकै समृद्ध नगरको रुपमा आफुलाई चिनाउने दावि गर्नु भयो । नेता पंथीले एमाले बाणगंगा वडा नं. ४ को घरदैलो अभियानका क्रममा यस्तो धारणा राख्नु भएको हो ।
प्रकाशित : २०७९ बैशाख २४, शनिबार २०:२९
