हरि आचार्य, कपिलवस्तु
राष्ट्रिय युवा संघ नेपाल कपिलवस्तुका जिल्ला कमिटि सदस्य सुवास पाण्डेले स्थानीय निर्वाचनमा बाणगंगामा एमालेको बहुमत रहेको बताउनुभएको छ । निर्वाचन अगाडि एमालेका उम्मेद्वारहरुको जित निश्चित रहेको बताउनुभएका पाण्डेले यस्तो बताउनुभएको हो ।
राष्ट्रिय युवा संघ नेपाल निर्वाचन परिचालन कमिटि बाणगंगाका सह संयोजक समेत रहनुभएका युवा नेता पाण्डेले समग्र कपिलवस्तुको विकासका लागि एमालेको विकल्प नरहेको बताउनुभयो ।
बैशाख ३० गते सम्पन्न स्थानीय तहको निर्वाचनमा बाणगंगा नगरपालिका वडा नं. ४ का वडाध्यक्ष पदका उम्मेद्वार छवि रेश्मीलाई विजयी गराउन लागि पर्नुभएका युवा नेता पाण्डेले यस वडालाई एमालेको लालकिल्ला बनाएरै छाड्ने प्रतिवद्धता व्यक्त गर्नुभएको थियो । नेकपा एमालेको तर्फबाट वडाध्यक्ष पदका उम्मेद्वार छवि रेश्मीलाई आखिर जिताएरै छाडेकाले कांग्रेसको लालकिल्ला बाणगंगा ४ एमालेको पोल्टामा आउन सफल भएको बताउनु भयो ।
पाण्डेले सिद्धिपुर युथ सोसाईटिका अध्यक्षको जिम्मेवारी सम्हाल्नुभएको छ भने शिवम् विल्डर्स प्रालिका सञ्चालक रही संयौ युवाहरुलाई रोजगार प्रदान गर्दै युवाहरुमाझ लोकप्रिय व्यक्तित्वको रुपमा परिचित हुनुहुन्छ । नेपाल नियमित रक्तदाता संघ कपिलवस्तुका उपाध्यक्ष लगायत अन्य सामाजिक संघ संस्थामा रही समाजसेवा सक्रिय रहदै आउनुभएको छ ।
युवा नेता पाण्डेले यस अघि बाणगंगा नगरपालिका वडा नं. ४ मा एमालेलाई हार्ने छुट नरहेको बताउँदै पार्टीलाई अप्ठ्यारो परेको खण्डमा आफु सदैव तत्पर रहने बताउनुभएको थियो । साथै उहाँले निर्वाचनमा जिल्लाका १० वटै स्थानीय तहमा एमालेका उम्मेद्वारलाई जिताउन युवाहरुको सक्रियता प्रशंसनीय रहेकाले सम्पुर्णलाई आभार प्रकट गर्नुभयो ।
