गठबन्धनबीच भागवण्डाः कपिलवस्तु–१ मा माओवादी, २ र ३ कांग्रेस

[sharethis-inline-buttons]

लुदअ, कपिलवस्तु
सत्ता गठबन्धनका शीर्ष नेताहरुले कपिलवस्तुमा भागवण्डा मिलाएका छन् । स्रोतका अनुसार जिल्लाका तीन प्रतिनिधिसभा मध्ये दुई कांग्रेसले लिएको छ भने एक क्षेत्रमा माओवादीले पाउने भएको छ ।

गठबन्धनमा आवद्ध दलका नेताहरुका अनुसार प्रत्यक्षतर्फ ११० भन्दा बढी निर्वाचन क्षेत्रको सिट बाँडफाँटमा सहमति भइसकेको छ । जस अनुसार कपिलवस्तुमा पनि शिर्ष नेताहरुले भागवण्डा मिलाएका हुन् । कपिलवस्तुको–१ माओवादी केन्द्रले लिनेछ भने २ र ३ कांग्रेसको भागमा परेको छ ।

प्रतिनिधिसभा–१ मा माओवादीले जिल्लाबाट हालका प्रतिनिधिसभा सदस्य चक्रपाणी खनाल, नेताहरु डोर प्रसाद उपाध्याय र कमल चुदालीको नाम सिफारिस गरेको छ ।

कांग्रेसले प्रतिनिधिसभा–२ मा सुरेन्द्रराज आचार्यको एकल नाम पठाएको छ भने ३ मा अभिषेक प्रताप शाह र हरि पोख्रलको नाम सिफारिस भएको छ ।


प्रकाशित : २०७९ भाद्र ३१, शुक्रबार ०७:११