प्रकाश गौतम
देवदह भलुही

जनप्रिय सामुदायीक बन उपभोक्ता समुह देवदह ९ र १०को आयोजनामा आज बाट १० दिने उद्घोषण तालीम सुरु भएको छ ।
बनका अध्यक्ष रुका सापकोटाकोे अध्यक्षता तथा देवदह नगरपालीकाका उप प्रमुख बिद्यालक्ष्मी गुरुङ्गको प्रमुख आतिथ्यतमा तालिम सुरु भएको हो । तालिम उद्घाटनका अवसरमा बोल्दै देवदह नगरपालीकाका उप प्रमुख बिद्यालक्ष्मी गुरुङ्गले यो समय बोल्न सक्नेहरुको भएको भन्दै तालिममा बाट धेरै कुरा सिक्न आग्रह गर्नु भयो ।
उहांले यस्ता तालीमबाट परिबर्तन सम्भव रहेको भन्दै तालीम पछी उद्घोषक तथा बक्ताहरु उत्पादन हुने दाबि गर्नु भयो । कार्यक्रममा बोल्दै देवदह नगरपालीका वडा न ९ का अध्यक्ष मोहन ब जि. सी ले तालीमले बोल्ने कुराको मात्र बिकाश नगरि जिवनलाई सहज रुपमा अगाडि बढन सिकाउने बताउनु भयो । जनप्रिय सामुदायीक बन उपभोक्ता समुहका सल्लाहकार ऋषिराम सापकोटाले बनले सामाजिक कार्यमा कार्य सुरुवात गरेको भन्दै तालिमले राम्रो सन्चालक र बक्ता उत्पादन गर्ने बताउनु भयो ।
जनप्रिय सामुदायीक बन उपभोक्ता समुह देवदहको कार्यालय भलुहिमा सुरु भएको कार्यक्रममा संस्थाका अध्यक्ष रुका साकोटाले कार्यक्रमको उदेश्यमाथि प्रकाश पार्नु भएको थियो । कार्यक्रमको सन्चालन बनका उपाध्यक्ष टेक ब बि.क ले सन्चालनमा भएको थियो ।
लुम्बिनी मिडिया हवका प्रमुख प्रकाश गौतमले सहजिकरण गर्ने तालिममा सो क्षेत्रका २३ जनाको सहभागीता रहेको छ ।